তেজপুৰত অচিনাক্ত যুৱতীৰ মৃতদেহ উদ্ধাৰ

শতাব্দ প্ৰতিনিধি তেজপুৰ ,২ছেপ্টেম্বৰ: তেজপুৰ সদৰ আৰক্ষী থানা অন্তৰ্গত তল কলিবাৰি অঞ্চলত এগৰাকী অচিনাক্ত যুৱতীৰ মৃতদেহ ব্ৰহ্মপুত্ৰৰ পানীত ওপঙি থকা অৱস্থাত উদ্ধাৰ হোৱা ঘটনাই চাঞ্চল্যৰ সৃষ্টি কৰিছে৷ উল্লেখযোগ্য যে, জিনছ, টি চাৰ্ট আৰু জোতা পৰিধান কৰা যুৱতীগৰাকীৰ বয়স আনুমানিক ২২বছৰ বুলি প্ৰকাশ কৰি আৰক্ষী সূত্ৰই প্ৰকাশ কৰিছে যে আজি বিয়লি প্ৰায় ৪-৩০বজাত স্হানীয় লোকে মৃতদেহটো ব্ৰহ্মপুত্ৰৰ পানীত ওপঙি থকা অৱস্থাত দেখা পাই আৰক্ষীক খবৰ দিয়ে। পিছত নদী আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে তেজপুৰ কনকলতা অসামৰিক চিকিৎসালয়লৈ প্ৰেৰণ কৰে ৷অচিনাক্ত যুৱতী গৰাকীৰ মৃতদেহ তেনেদৰে উদ্ধাৰ হোৱা ঘটনাক স্হানীয় একাংশ লোকে সহজভাবে গ্ৰহণ কৰা নাই৷