শতাব্দ ষ্টাফ ৰিপৰ্টাৰ, তিনিচুকীয়া, ৭ জুন : মঙ্গলবাৰে ঘোষণা কৰা উচ্চতৰ মাধ্যমিক চূড়ান্ত পৰীক্ষাৰ ফলাফল অনুসৰি বাণিজ্য শাখাত ৰাজ্যৰ ভিতৰত সপ্তম আৰু অষ্টম স্থান লাভ কৰিবলৈ সক্ষম হোৱা তিনিচুকীয়া জিলাৰ দুগৰাকী মেধাৱী ছাত্ৰী ক্ৰমে স্মৃতি ঠাকুৰ আৰু ঋষিতা শৰ্মাক আজি তিনিচুকীয়াৰ উপায়ুক্তৰ কাৰ্য্যালয়ৰ সভাকক্ষত জিলা প্ৰশাসনৰ তৰফৰ পৰা সম্বৰ্ধনা জ্ঞাপন কৰা হয় ৷
উল্লেখ্য যে স্মৃতি ঠাকুৰে তিনিচুকীয়াৰ ৱিমেনজ্ কলেজৰ পৰা আৰু ঋষিতা শৰ্মাই ডিব্ৰুগড়ৰ ছল্টব্ৰুক একাডেমিৰ পৰা বাণিজ্য শাখাত সপ্তম আৰু অষ্টম স্থান লাভ কৰিছিল । জিলা উন্নয়ন আয়ুক্ত সুশান্ত দত্তই আঁত ধৰা এই সম্বৰ্ধনা জ্ঞাপন অনুষ্ঠানত উপায়ুক্ত স্বপ্নীল পালে দুয়োগৰাকী মেধাৱী ছাত্ৰীক সম্বৰ্ধনা জনাই তেওঁলোকৰ উজ্বল ভৱিষ্যতৰ বাবে শুভেচ্ছা জ্ঞাপন কৰে ৷ অনুষ্ঠানত অতিৰিক্ত উপায়ুক্ত লীনা কুমাৰী পাৱে, নিৰ্বাচনী বিষয়া কংকনজ্যোতি শইকীয়া, সহকাৰী আয়ুক্তদ্বয় ট্ৰিলিনা টাইড আৰু দিপাৱলী কুৰ্মী প্ৰমুখ্যে উপায়ুক্তৰ কাৰ্য্যালয়ৰ অন্যান্য বিষয়া- কৰ্মচাৰীসকল উপস্থিত থাকে ৷
