শতাব্দ ষ্টাফ ৰিপ’ৰ্টাৰ, ৩০ জুনঃ শাক-পাচলিৰ বজাৰৰ পৰা অনাৰ পিছত ভালদৰে ধুই প্ৰথমে বাকলি গুচাই লোৱা হয়। তাৰ পিছতহে সিজোৱা হয়। এইটো এক নিয়ম। কিন্তু, আপুনি জানেনে যে এইটো কৰিলে নিজৰেই বহু ক্ষতি হয়? এনে বহু শাক-পাচলিৰ বাকলিত একাধিক পুষ্টিকৰ মূল্য থাকে আৰু নজনাকৈয়ে সকলোৱে বাকলি পেলাই দিয়ে। ইয়াৰ ফলত আমাৰ পুষ্টি অসম্পূৰ্ণ হৈ পৰে। কোনবোৰ শাক-পাচলি বাকলিৰে সৈতে ৰান্ধিব লাগে জানো লওক।
* আলু
যিকোনো ব্যঞ্জন ৰান্ধিবলৈ সকলোৱে আলু ব্যৱহাৰ কৰে। সকলোৱে আলু ৰন্ধাৰ আগতে বাকলি গুচাই লয়। কিন্তু, আপুনি জানেনে যে আলুৰ বাকলিত এটাতকৈ অধিক পুষ্টিকৰ মূল্য আছে। ইয়াত আঁহ, আইৰণ, ভিটামিন চি, পটাছিয়াম আৰু ফ’লেট আদি উপাদান থাকে। গতিকে পেলাই নিদিব।
* বেঙেনা
বেঙেনাৰ বাকলি গুচাই নেকি আপুনি? নুগুচাব। বেঙেনাৰ বাকলিত নাছুনিন নামৰ এবিধ ফাইটোনিউট্ৰিয়েন্ট থাকে। যিটো আমাৰ শৰীৰৰ বাবে উপকাৰী। গতিকে বেঙেনাৰ বাকলি পেলাই নিদিব।
* বিলাহী
বহুতে বিলাহীৰ পাতল বাকলিখিনি পেলাই দিয়ে ছাল পৰিষ্কাৰ কৰিবলৈ। কিন্তু, আপুনি জানেনে যে ইয়াত এটাতকৈ অধিক পুষ্টিকৰ মূল্য আছে। যিটো চকু, ছাল আৰু বৃহদান্ত্ৰৰ বাবে উপকাৰী। গতিকে এতিয়াৰ পৰা বিলাহী বাকলিৰে সৈতে খাব।
* মিঠা আলু
মিঠা আলু ৰন্ধাৰ আগতে বাকলি নেপেলাব। ইয়াত ভিটামিন চি, বিটা কেৰটিন আৰু পটাছিয়াম আদি উপাদান থাকে। যিটো শৰীৰক সুস্থ কৰি ৰাখিবলৈ প্ৰয়োজন। গতিকে এতিয়াৰ পৰা মিঠা আলুৰ বাকলি ৰন্ধা আগতে পেলাই নিদিব।
সুস্থ হৈ থাকিবলৈ চিকিৎসকে সদায় শাক-পাচলি খোৱাৰ পৰামৰ্শ দিয়ে। শাক-পাচলিত থকা একাধিক উপাদানে শৰীৰৰ সকলো জটিলতা দূৰ কৰে। তেনেকৈয়ে ৰোগ প্ৰতিৰোধ ক্ষমতা বৃদ্ধি পায়। কিন্তু কেৱল শাক-পাচলিয়েই নহয়, শাক-পাচলিৰ বাকলিতো পুষ্টিকৰ উপাদান থাকে। গতিকে এই শাক-পাচলিবোৰৰ বাকলি পেলাই নিদিয়াকৈ খাব লাগে।
