যোৰহাটত নুৰুল হক – মুহিবুদ্দিন আহমেদৰ নিৰ্বাচিত গীতৰ প্ৰতিযোগিতা

শতাব্দ প্ৰতিনিধি,যোৰহাট , ৪ মে : যোৰহাটৰ সুৰৰ দেউল সংগীত বিদ্যালয়ৰ উদ্যোগত ১৫ মে’ত ৰাজ্যিক ভিত্তিত নুৰুল হক – মুহিবুদ্দিন আহমেদৰ নিৰ্বাচিত গীতৰ প্ৰতিযোগিতা অনুষ্ঠিত হব। আয়োজক সমিতিয়ে ১৬ টা গীত প্ৰতিযোগিতাৰ বাবে নিৰ্বাচিত কৰিছে। যোৰহাট থিয়েটাৰ প্ৰেক্ষাগৃহত অনুষ্ঠিত হব লগা প্ৰতিযোগিতা সকলোৰে বাবে মুকলি থাকিব। বাদ্যযন্ত্ৰ সমিতিয়ে যোগান ধৰিব। যোগদান মাছুল ৫০০ টকা। স্থান প্ৰাপ্ত প্ৰতিযোগীক নগদ ধনৰ লগতে স্মাৰক আৰু মানপত্ৰ প্ৰদান কৰা হব। উল্লেখ্য, প্ৰতিযোগিতাৰ প্ৰথম পাঁচটা স্থান লাভ কৰা প্ৰতিযোগীয়ে ক্ৰমে ১০ হাজাৰ, ৭ হাজাৰ, ৫ হাজাৰ, ৩ হাজাৰ, ২ হাজাৰ নগদ ধন লাভ কৰিব। ২০ মে’ ত একে স্থানতে সন্ধিয়া ৬.০০ বজাৰ পৰা হব লগা সাংস্কৃতিক অনুষ্ঠানত বিজয়ী প্ৰতিযোগীক পুৰস্কাৰ প্ৰদান কৰা হব বুলি আয়োজক সমিতিয়ে জনাইছে।