লখিমপুৰত জিলাৰ সোণালী জয়ন্তী বৰ্ষ উপলক্ষে বাটৰ নাট প্ৰদৰ্শন

শতাব্দ প্ৰতিনিধি, লখিমপুৰ, ৩০ ছেপ্টেম্বৰঃ চলিত বৰ্ষৰ ২ অক্টোবৰত লখিমপুৰ জিলাই সোণালী জয়ন্তী বৰ্ষত উপনীত হ’ব৷ তদুপলক্ষে লখিমপুৰ জিলা প্ৰশাসনে বিভিন্ন কাৰ্যসূচী গ্ৰহণ কৰিছে৷ সেই অনুসৰি যোৱা ২৭ ছেপ্টেম্বৰত লখিমপুৰ জিলা পৰিবহণ বিভাগ আৰু আৰক্ষী প্ৰশাসনৰ সহযোগত ঢকুৱাখনাত বাটৰ নাট প্ৰদৰ্শন কৰা হয়৷ বিশেষকৈ ‘পথ সুৰক্ষা জীৱন সুৰক্ষা’ নামৰ বাটৰ নাটখনি ঢকুৱাখনা মহাবিদ্যালয়, ঢকুৱাখনা চাৰিআলি, ঘিলামৰা চাৰিআলি আদিত মঞ্চস্থ কৰা হয়৷ এই বাটৰ নাটে স্থানীয় ৰাইজৰ বিপুল সমাদৰ লাভ কৰিবলৈ সক্ষম হয়৷ উল্লেখ্য যে বাটৰ নাটখনিত অভিনয় কৰে- শিক্ষয়িত্ৰী মিনা নেওগ হাজৰিকা, নৃত্য শিল্পী ৰমেন দাস, সংগীত শিল্পী মুনমুন দত্ত, বাদ্যকৰ প্ৰশান্ত বৰা, হেমন্ত বনিয়া, তুলেন, পূজা আৰু জানমনিয়ে৷ উল্লেখ্য যে লখিমপুৰ জিলা প্ৰশাসনে সোণালী জয়ন্তী বৰ্ষ উপলক্ষে ২ অক্টোবৰত বিভিন্ন কাৰ্যসূচী গ্ৰহণ কৰিছে৷