লখিমপুৰ বাণিজ্য মহাবিদ্যালয়ত প্লেছমেণ্ট বিষয়ক অভিযান

উত্তৰ লখিমপুৰ: ১৫ অক্টোবৰঃ কোম্পানীত কৰ্পৰেট নিযুক্তিৰ বাবে আদিত্য বিৰলা কেপিটেলছ লিমিটেড (এবিচিএল)ৰ দ্বাৰা লখিমপুৰ কমাৰ্চ কলেজত আজি প্লেচমেণ্ট অভিযানৰ অনুষ্ঠিত কৰা হয়। এই প্লেচমেণ্ট পদক্ষেপৰ আয়োজন কৰে মহাবিদ্যালয়খনৰ কেৰিয়াৰ গাইডেন্স চেলে।  কোষৰ সমন্বয়ক ড০ বিভা দত্তই এবিচিএলৰ প্লেচমেণ্ট অভিযানলৈ ছাত্ৰ-ছাত্ৰীসকলক আদৰণি জনায়।  এই কাৰ্যসূচীত এবিচিএলৰ উত্তৰ লখিমপুৰৰ জেনেৰেল মেনেজাৰ,  কবিন্দ্ৰ শইকীয়া, আঞ্চলিক প্ৰবন্ধক-প্ৰশিক্ষণ, শংকৰ জ্যোতি শইকীয়া আৰু সহযোগী অংশীদাৰ ইফটিকাৰ আহমেদে অনুষ্ঠানত নিৰ্বাচিত ছাত্ৰ-ছাত্ৰীসকলৰ গোট আলোচনা আৰু ব্যক্তিগত সাক্ষাৎকাৰ অনুষ্ঠিত কৰে।  কাৰ্যসূচী সম্পূৰ্ণ হোৱাৰ পিছত এবিচিএলৰ সহযোগী অংশীদাৰ ইফটিকাৰ আহমেদে কয় যে উত্তীৰ্ণ হোৱা প্ৰাৰ্থীসকলক পৰৱৰ্তী সাক্ষাৎকাৰৰ বাবে আমন্ত্ৰণ কৰি নিযুক্তিৰ বাবে স্থান দিয়া হ’ব।