শতাব্দ ষ্টাফ ৰিপ’ৰ্টাৰ, ৬ জুলাই : ঘৰুৱা প্ৰযুক্তিৰ সহায়ত ভাৰতীয় নৌসেনা শক্তিশালী হৈ উঠিছে। স্বাধীনতাৰ ৭৫ সংখ্যক বৰ্ষ উদযাপনৰ বাবে নৌসেনাই অহা বছৰ কমেও ৭৫ টা নতুন থলুৱা প্ৰযুক্তি আৰু সামগ্ৰী অন্তৰ্ভুক্ত কৰাৰ প্ৰস্তাৱ আগবঢ়াইছে। ‘স্প্ৰিণ্ট’ নামৰ এটা প্ৰকল্পৰ কামৰ বাবে প্ৰতিৰক্ষা উদ্ভাৱন সংস্থা (ডিআইঅ’) আৰু নৌ উদ্ভাৱন আৰু থলুৱা সংস্থা (এনআইআইঅ’)ৰ মাজত এক বুজাবুজি চুক্তি স্বাক্ষৰ কৰা হৈছে। ড° আম্বেদকাৰ আন্তঃৰাষ্ট্ৰীয় কেন্দ্ৰত ১৮ আৰু ১৯ জুলাইত অনুষ্ঠিত হ’বলগীয়া এন আই আই অ’ৰ আলোচনা চক্ৰ ‘স্বাবলম্বন ২০২২’ৰ বিশেষ অংশ হ’ব ভাৰতীয় নৌসেনা। ইয়াত বিষয়সমূহৰ বিশদ তথ্য প্ৰদান কৰা হ’ব। ঘৰুৱা উদ্যোগ আৰু একাডেমীসমূহৰ জড়িত নৌসেনাই গ্ৰহণ কৰিছে। আত্মনিৰ্ভৰশীল ভাৰতৰ প্ৰত্যাহ্বানক উত্থাপন কৰি দেশৰ অৰ্থনীতিত নিজৰ মূলধনী বাজেটৰ ৭৪ শতাংশতকৈ অধিক পুনৰ বিনিয়োগ কৰিছে। ইফালে, ৪ জুলাই সোমবাৰে বিশাখাপট্টনমৰ আই এন এছ ডেগাত অনুষ্ঠিত এক অনুষ্ঠানত পূব নৌসেনাৰ ফ্লেগ বিষয়া কমাণ্ডিং ইন চীফ ভাইচ এডমিৰেল বিশ্বজিৎ দাসগুপ্তৰ উপস্থিতিত ভাৰতীয় নৌসেনাৰ বায়ুসেনা স্কোয়াড্ৰন ৩২৪ বিমানখন নৌসেনাত কমিছন কৰা হয়। এই ইউনিটটো হৈছে ইষ্টাৰ্ণ ছী ব’ৰ্ডৰ প্ৰথমটো নৌসেনাৰ স্কোৱাড্ৰন, যি ঘৰুৱাভাৱে ডিজাইন আৰু নিৰ্মিত এডভান্সড লাইট হেলিকপ্টাৰ (এ এল এইচ) ডি এইচ আৰ ইউ ভি এম কে-আইআই পৰিচালনা কৰে। প্ৰতিৰক্ষা মন্ত্ৰালয়ে জনোৱা মতে, হেলিকপ্টাৰসমূহ অত্যাধুনিক ৰাডাৰ আৰু ইলেক্ট্ৰ’-অপ্টিকেল চেন্সৰকে ধৰি অত্যাধুনিক সঁজুলিৰে সজ্জিত কৰা হৈছে। কেন্দ্ৰৰ মতে, ভাৰতে এখন পাৰমাণৱিক চাবমেৰিন নিৰ্মাণ কৰি অতি সোনকালে দেশতে নিৰ্মিত বিমানবাহী জাহাজ ‘বিক্ৰান্ত’ত যোগদান কৰাটো অতি গৌৰৱৰ বিষয়। তেওঁ লগতে কয় যে, ঘৰুৱা জাহাজ নিৰ্মাণৰ ক্ষমতা বৃদ্ধিয়ে ‘আত্মনিৰ্ভৰ ভাৰত’ৰ পথ প্ৰশস্ত কৰিছে। উল্লেখযোগ্য যে সমগ্ৰ দেশৰ বিভিন্ন চৰকাৰী আৰু ব্যক্তিগত জাহাজ নিৰ্মাণ কাৰখানাত নিৰ্মাণ হৈ থকা কেইবাখনো যুদ্ধ জাহাজ আৰু ছাবমেৰিনৰ প্ৰায় ৮০ শতাংশ উপাদান থলুৱা।
