ৰাজ্যিক যোগাসনত শোণিতপুৰ জিলা দ্বিতীয়

শতাব্দ প্ৰতিনিধি তেজপুৰ ,১৭অক্টোবৰ: ১৪-১৬অক্টোবৰত তিনিদনীয়াকৈ ২৫ সংখ্যক প্ৰবীণ পুৰুষ আৰু মহিলাৰ অসম ৰাজ্যিক যোগাসন খেল প্ৰতিযোগিতাখন ধেমাজিৰ ৰাজহুৱা প্ৰেক্ষাগৃহত অনুষ্ঠিত হৈ যায় ৷প্ৰতিযোগিতাত শোণিতপুৰ জিলাই শ্ৰেষ্ঠ দলৰ সন্মান বুটলিবলৈ সক্ষম হয় । শোণিতপুৰ জিলাৰ ৰাষ্ট্ৰীয় বিচাৰক মামু বায়নে বিচাৰকৰ দায়িত্ব ভাৰ বহন কৰে। প্ৰতিযোগিতাত স্হান প্ৰাপ্ত সকল ক্ৰমে-শিৱানী শইকীয়াই ১৮ বছৰ ৰ পৰা ৩৫বছৰ ভিতৰত আৰ্টিষ্টিক যুৰিয়া যোগাসন প্ৰতিযোগিতাত প্ৰথম স্হান প্ৰাপ্ত কৰে, আৰ্টিষ্টিক একক যোগাসন প্ৰতিযোগিতাত দ্বিতীয় স্হান প্ৰাপ্ত কৰে,ট্ৰেডিচনেল যোগাসন প্ৰতিযোগিতাত দ্বিতীয় স্হান পাবলৈ সক্ষম হয় ।১৮ ৰ পৰা ৩৫ বছৰৰ ভিতৰত দিপামণি বৰাই আৰ্টিষ্টিক যুৰিয়াত প্ৰথম স্হান পাবলৈ সক্ষম হয় । ৪৫ বছৰৰ ওপৰৰ পুৰুষৰ শাখাত নবজ্যোতি নাথে প্ৰথম প্ৰাপ্ত কৰে,দ্বিতীয় স্হান প্ৰাপ্ত কৰে পূণ্য উপাধ্যায়ে । ২১-২৫বছৰ বয়সৰ প্ৰতিযোগিতাত বিপনশি বৰাই প্ৰথম স্হান প্ৰাপ্ত কৰে,মিনটি কলিতা দাসে ৩০ ৰ পৰা ৩৫ বছৰ বয়সত প্ৰতিযোগিতা কৰি ট্ৰেডিচনেলত প্ৰথম স্হান প্ৰাপ্ত কৰে,গৌতমী গগৈয়ে ট্ৰেডিচনেলত চতুৰ্থ স্হান আৰু আৰ্টিষ্টকত পঞ্চম স্হান প্ৰাপ্ত কৰে।