শতাব্দ ষ্টাফ ৰিপ’ৰ্টাৰ, ১৩ ছেপ্টেম্বৰ : কেন্দ্ৰই অত্যাৱশ্যকীয় ঔষধৰ তালিকাৰ পৰা কিছু পৰিচিত ঔষধ আঁতৰাই পেলাইছে। স্বাস্থ্য মন্ত্ৰালয়ে আশংকা কৰিছে যে একাংশ ঔষধত কেইবাটাও গেছ যৌগ আছে যাৰ ফলত কৰ্কট ৰোগ সৃষ্টি হ’ব পাৰে। অত্যাৱশ্যকীয় তালিকাৰ পৰা মুঠ ২৬ টা ঔষধ আঁতৰোৱা হৈছে। কিন্তু ইয়াত কিছুমান সুপৰিচিত ঔষধ যেনে Asyloc, Zintac, Rantac আদি অন্তৰ্ভুক্ত কৰা হৈছে। সেই ঔষধবোৰ প্ৰায়ে চিকিৎসকে ৰোগীক প্ৰেছক্ৰাইব কৰে। কেন্দ্ৰীয় স্বাস্থ্য মন্ত্ৰালয়ে ১৩ ছেপ্টেম্বৰ মঙলবাৰে প্ৰকাশ কৰে অত্যাৱশ্যকীয় ঔষধৰ তালিকা। সেই তালিকাৰ পৰা ২৬বিধ ড্ৰাগছ আঁতৰোৱা হৈছে। তালিকাখনত অন্তৰ্ভুক্ত কৰা দৰববোৰ হৈছে— ১.Alteplase, ২. Atenolol, ৩. Bleaching Powder, ৪.Capreomycin, ৫.Cetrimide, ৬.Chlorpheniramine, ৭.Diloxanide furoate, 8.Dimercaprol, ৯.Erythromycin, ১০.Ethinylestradiol, ১১.Ethinylestradiol(A) Norethisterone (B), ১২.Ganciclovir, ১৩.Kanamycin, ১৪.Lamivudine (A), ১৫.Leflunomide, ১৬.Methyldopa, ১৭.Nicotinamide, ১৮.Pegylated interferon alfa 2a, Pegylated interferon alfa 2b, ১৯.Pentamidine, ২০.Prilocaine (A) + Lignocaine (B), ২১.Procarbazine, ২২. Ranitidine, ২৩.Rifabutin, ২৪.Stavudine (A) + Lamivudine (B), ২৫.Sucralfate, ২৬.White Petrolatum।
বিশ্বৰ বহু দেশে এই ঔষধৰ ব্যৱহাৰৰ ওপৰত চকু ৰাখিছে। কাৰণ এইবোৰৰ পৰা কৰ্কট ৰোগৰ সম্ভাৱনা আছে। এই সন্দৰ্ভত কেন্দ্ৰীয় স্বাস্থ্য মন্ত্ৰণালয়ে ভাৰতৰ ড্ৰাগ কণ্ট্ৰ’লাৰ জেনেৰেল আৰু এইমছৰ সৈতে কথা পাতিছে। ২০১৯ চনৰ পৰা আমেৰিকাই ইয়াক নিৰীক্ষণ কৰি আহিছে। তেওঁলোকে দেখিছে যে ইয়াৰ কাৰ্চিনোজেনিক গুণ আছে। ইফালে অত্যাৱশ্যকীয় ঔষধৰ নতুন তালিকা প্ৰকাশ পোৱাৰ পিছত কিছুমান গুৰুত্বপূৰ্ণ ঔষধৰ দাম হ্ৰাস পাব পাৰে বুলি একাংশ লোকে বিশ্বাস কৰে। ইয়াৰ ভিতৰত আছে ডায়েবেটিছ ঔষধ, যক্ষ্মা প্ৰতিৰোধী ঔষধ আৰু ভেঁকুৰ প্ৰতিৰোধী ঔষধ। ইয়াৰ উপৰি আৱশ্যকীয় ঔষধৰ তালিকাৰ পৰা Ranitidine আঁতৰাই পেলোৱাৰ ফলত ইয়াৰ দাম বৃদ্ধি হ’ব পাৰে বুলিও ভবা হৈছে।
