গুৱাহাটী, ৬ মেঃ ভাৰতীয় তথ্য সেৱা বিভাগৰ এজন জ্যেষ্ঠতম বিষয়া, আকাশবাণীৰ অৱসৰপ্ৰাপ্ত ডাইৰেক্টৰ জেনেৰেল C Lalenglianaৰ কালি ছিলঙত পৰলোকপ্ৰাপ্তি ঘটে । মৃত্যুৰ সময়ত তেওঁৰ বয়স হৈছিল ৮৬ বছৰ। প্ৰয়াত লালেংলিয়ানা এজন জনপ্ৰিয় বিষয়া আছিল। গুৱাহাটীস্থ প্ৰেছ ইনফৰমেশ্যন ব্যুৰত কৰ্মৰত থাকোঁতে তেওঁ বিভাগটোৰ জৰিয়তে প্ৰিণ্ট মাধ্যমৰ কামকাজবোৰ অতি বিচক্ষণ ভাবে সম্পন্ন কৰিছিল । তেওঁৰ মৃত্যুত অসম তথা কেন্দ্ৰীয় তথ্য আৰু অনাঁতাৰ বিভাগৰ বিষয়া-কৰ্মচাৰী সকলৰ মাজত শোকৰ ছাঁ পৰিছে। প্ৰয়াত লালেংলিয়ানা ১৯৬৪চনৰ বেট্চৰ ভাৰতীয় তথ্য সেৱা (IIS) বিষয়া আছিল।
