ইউৰেকা! তেজৰ চেনি নিয়ন্ত্ৰণ কৰিবলৈ আহিল যুগান্তকাৰী ঔষধ, ওজন হ্ৰাস কৰাতো কৰিব সহায়

শতাব্দ ষ্টাফ ৰিপ’ৰ্টাৰ, ৩০ নৱেম্বৰ : তেজৰ চেনি যুগ যুগ ধৰি চলি অহা সংকট। ঘৰে ঘৰে ডায়েবেটিছ ৰোগী। নিয়মীয়াকৈ এই ৰোগৰ ওপৰত গৱেষণা কৰি অহা হৈছে। শেহতীয়াকৈ কৰা এনে গৱেষণাৰ অন্তত এবিধ নতুন ধৰণৰ ঔষধ আৱিষ্কাৰ কৰা হৈছে, যিবিধ ঔষধ গতানুগতিক ঔষধতকৈ বহু বেছি ফলপ্ৰসূ। ঔষধৰ নাম হৈছে ‘টাইৰেজেপাটাইড’। এই ঔষধে আন ঔষধতকৈ বহু বেছি ক্ষিপ্ৰতাৰে তেজৰ চেনি নিয়ন্ত্ৰণ কৰে। ইয়াৰ কাৰ্যক্ষমতা অধিক। এই ঔষধে ইনচুলিন মুক্ত কৰা আৰু ভোক দমন কৰা হৰম’নৰ নিঃসৰণো স্বাভাৱিক কৰি তোলে। ফলত এই ঔষধে মেদবহুলতাত ভুগি থকা ডায়েবেটিছ ৰোগীসকলক তেওঁলোকৰ ওজন কমোৱাতো সহায় কৰে। ষ্টকহ’মত চলিত বৰ্ষৰ ইউৰোপীয়ান এছ’চিয়েশ্যন ফৰ দ্য ষ্টাডি অৱ ডায়েবেটিছ (ইএএছডি)ত এই নতুন ঔষধৰ বিষয়ে আলোচনা কৰা হয়। এই Terzepatide তিনিটা মাত্ৰাত চাৰিৰ পৰা ১২ সপ্তাহলৈকে গ্ৰহণ কৰিব পাৰি। ৫, ১০ আৰু ১৫ মিলিগ্ৰামৰ মাত্ৰা। কোৱা হৈছে যে এই ঔষধ সঠিক মাত্ৰাত আৰু নিয়মিতভাৱে ব্যৱহাৰ কৰিলে সংশ্লিষ্ট ৰোগীয়ে এই ৰোগৰ দুখ-কষ্টৰ পৰা সোনকালে পৰিত্ৰাণ পাব।

ইয়াৰ পূৰ্বে আন এক যুগান্তকাৰী অনুষ্ঠান অনুষ্ঠিত হৈছিল। হাতলৈ টাইপ-১ ডায়েবেটিছৰ ঔষধ আহিল। এই ঔষধে আমেৰিকাতো অনুমোদন লাভ কৰিছে। আমেৰিকাৰ খাদ্য আৰু ঔষধ প্ৰশাসনে টাইপ-১ ডায়েবেটিছৰ চিকিৎসাৰ বাবে এই ঔষধত অনুমোদন জনায়। খবৰ পোৱা গৈছে যে যিসকল ৰোগীৰ টাইপ-১ ডায়েবেটিছ ৰোগ হোৱাৰ আশংকা থাকে, তেওঁলোকক এই ঔষধ দিলে সাধাৰণতকৈ পিছত এই ৰোগ হ’ব পাৰে। টাইপ-১ ডায়েবেটিছৰ ওপৰত কাম কৰাসকলে ইয়াক ডায়েবেটিছৰ ‘গেম চেঞ্জিং’ চিকিৎসা বুলি উল্লেখ কৰিছে।

মূলতঃ দুই প্ৰকাৰৰ ডায়েবেটিছ— টাইপ-১ ডায়েবেটিছ আৰু টাইপ-২ ডায়েবেটিছ। টাইপ-১ ডায়েবেটিছে শৰীৰৰ ৰোগ প্ৰতিৰোধ ক্ষমতাক আক্ৰমণ কৰি ইনচুলিন উৎপাদনকাৰী কোষবোৰ ধ্বংস কৰে। টাইপ-২ ডায়েবেটিছ ৰোগীয়ে হয় পৰ্যাপ্ত পৰিমাণৰ ইনচুলিন উৎপাদন নকৰে; নহয় শৰীৰৰ কোষবোৰে ইনচুলিনৰ প্ৰতি সঁহাৰি নিদিয়ে। টাইপ-১ ডায়েবেটিছতকৈ টাইপ-২ ডায়েবেটিছ বেছিকৈ দেখা যায়। টাইপ-২ ডায়েবেটিছ ৰোগ হ্ৰাস কৰা আৰু ব্যায়ামকে ধৰি কিছুমান গুৰুত্বপূৰ্ণ জীৱনশৈলীৰ পৰিৱৰ্তনৰ দ্বাৰা প্ৰতিৰোধ কৰিব পাৰি যদিও টাইপ-১ এটা জিনীয় ৰোগ। টাইপ-১ ডায়েবেটিছ পলমকৈ ধৰা পৰিলে শৰীৰত গুৰুতৰ প্ৰভাৱ পৰিব পাৰে। ইয়াৰ ফলত শৰীৰৰ অকাৰ্যকৰীতা আৰু আনকি মৃত্যুও হ’ব পাৰে।