শতাব্দ ষ্টাফ ৰিপ’ৰ্টাৰ, ২৪ নৱেম্বৰ : অৱশেষত হিমোফিলিয়াৰ ঔষধ উদ্ভাৱন হ’ল। চিকিৎসা জগতত এয়া প্ৰায় বৈপ্লৱিক পৰিঘটনা সংঘটিত হ’ল। এতিয়ালৈকে হিমোফিলিয়াৰ কোনো ঔষধ বা চিকিৎসা নাছিল। অৱশ্যে চি এছ এল বেহৰিৰ হেমজেনিক্স-হিমোফিলিয়া বি জিন থেৰাপী হৈছে বিশ্বৰ আটাইতকৈ ব্যয়বহুল এন্টি-হিমোফিলিয়া থেৰাপী। ভাৰতীয় মূল্যত ইয়াৰ দাম প্ৰায় ২৯ কোটি টকা!
হিমোফিলিয়া কি?
এই ৰোগে তেজ জমা হোৱাত বাধা দিয়ে। তেজ জমা হোৱাৰ সমস্যা হ’লে ক’ৰবাত কাটিলে ৰক্তক্ষৰণ বন্ধ নহয়। মহিলাসকল এই ৰোগৰ বাহক, কিন্তু কেৱল পুৰুষহে এই ৰোগত আক্ৰান্ত হয়। ই মূলতঃ বংশগত ৰোগ। বংশগত মানে, ই জিনে কঢ়িয়াই অনা ৰোগ। এই ৰোগত আক্ৰান্ত লোকৰ থ্ৰম্ব’প্লাষ্টিন নামৰ পদাৰ্থৰ অভাৱ। সাধাৰণতে দুই প্ৰকাৰৰ হিমোফিলিয়া আছে— হিমোফিলিয়া এ আৰু হিমোফিলিয়া বি।
এই ঔষধ বা চিকিৎসাই কৰা কিছুমান নিৰ্দিষ্ট কাম
১. যদি যকৃতত ক্লটিং জ’ন নোহোৱা হয় তেন্তে তাত হেমজেনিক্সে কাম কৰে।
২. ই এবছৰত ৰক্তক্ষৰণৰ পৰিঘটনাৰ সম্ভাৱনা অন্ততঃ আধালৈ হ্ৰাস কৰে।
৩. হিমোফিলিয়া বিত ফ্যাক্টৰ IX থাকে। শেহতীয়াকৈ যিটো এই ৰোগৰ ভয়াৱহতা প্ৰতিৰোধৰ বাবে ব্যৱহাৰ কৰা হয়। এই ঔষধে হিমোফিলিয়া ৰোগীয়ে এই ফ্যাক্টৰ IX চিকিৎসা লাভ কৰাৰ সম্ভাৱনা কমেও ৯৪ শতাংশ হ্ৰাস কৰে।
কোনোবাই ল’বনে ঔষধৰ সুবিধা?
হয়তো এই থেৰাপীৰ খৰচ এটা কাৰক। কিন্তু সংশ্লিষ্ট সমাজৰ এটা অংশই কয় যে হিমোফিলিয়া ৰোগীয়ে সদায় ৰক্তক্ষৰণৰ ভয়ত ভুগি থাকে! এতিয়ালৈকে এই ৰোগৰ চিকিৎসাও অতি দুৰ্বল। ফলত চহকী মানুহে এই অতি ব্যয়বহুল জিন থেৰাপীৰ সুবিধা ল’ব বিচাৰিব।
