গড়েহগা বাহঁপাতি উচ্চত্বৰ মাধ্যমিক বিদ্যালয়ত নাট কৰ্মশালা

উত্তৰ লখিমপুৰ, ২১ জুনঃ লখিমপুৰ জিলাৰ গড়েহগা বাহঁপাতি উচ্চত্বৰ মাধ্যমিক বিদ্যালয়ত আজি ছাত্ৰ-ছাত্ৰীৰ মাজত এদিনীয়া নাট কৰ্মশালা অনুস্থিত কৰা হয়। সংস্কাৰ ভাৰতী উত্তৰ অসম প্ৰান্ত আৰু অভিনৱ থিয়েটাৰ,লখিমপুৰৰ দ্বাৰা অনুস্থিত কৰা এই নাট কৰ্মশালাত পাঠদান কৰে নাট পৰিচালক তথা ভাৰত চৰকাৰৰ ফ্লিম চেন্সৰ বৰ্ডৰ সদস্য দয়াল কৃষ্ণ নাথ আৰু মধ্যপ্ৰদেশ নাট্য বিদ্যালয়ৰ স্নাতক তথা ৰাষ্ট্ৰীয় নাট্য বিদ্যালয়ৰ থিয়েটাৰ ইন এডুকেচনৰ শিক্ষক ঋষিকেশ কুমাৰে। অধ্যক্ষ দুলাল চন্দ্ৰ নাথৰ সঞ্চালনাত অনুস্থিত এই কৰ্মশালাৰ প্ৰায় ২০০ গৰাকী ছাত্ৰ-ছাত্ৰীয়ে অংশ গ্ৰহণ কৰে। অনুস্থানত বক্তব্য ৰাখে শিক্ষক দিম্ব প্ৰসাদ শৰ্মাই।