শতাব্দ ষ্টাফ ৰিপ’ৰ্টাৰ, ৬ জুলাই: ধৰি লওক আপুনি চীনৰ নাগৰিক। আপুনি এটা নতুন ফ্লেট কিনিব বিচাৰিছে। কিন্তু আপোনাৰ হাতত কেৱল পইচা থাকিলেই নহ’ব। আপোনাৰ হাতত পৰ্যাপ্ত পৰিমাণে ঘেঁহু, তৰমুজ আদি থাকিলেহে ফ্লেট কিনাটো সম্ভৱ। ফ্লেটটোৰ সম্পূৰ্ণ মূল্য টকাৰে দিব নালাগে! এইটো কেৱল কৌতুক বুলি ভাবিছে নেকি? নে এয়াই প্ৰাচীন বিনিময় ব্যৱস্থা? কোনোপধ্যে নহয়! চীনত এতিয়া এয়াই বাস্তৱ। চীনে এতিয়া ঘেঁহু, তৰমুজ, হালধি আদি কৃষিজাত সামগ্ৰীৰ বিনিময়ত ফ্লেট ক্ৰয় কৰিছে। চীনৰ টায়াৰ-৩ আৰু টায়াৰ-৪ চহৰৰ ক্ৰেতাসকলক উৎসাহিত কৰাৰ উদ্দেশ্যে কিছুমান কৃষিজাত সামগ্ৰীৰে ফ্লেটৰ মুঠ মূল্য সামৰি ল’বলৈ এই নিয়ম প্ৰৱৰ্তন কৰা হৈছে। আঁচনিখনৰ এটা গৌৰৱময় নামো আছে— ‘ফুড ফৰ হোম স্কিম’।
- কিয় হঠাৎ এনে নীতি গ্ৰহণ কৰিলে চীনে?
এয়া আচলতে দেশখনৰ কৃষকৰ অৰ্থনৈতিক অৱস্থা শক্তিশালী কৰাৰ পৰিকল্পনা। ইয়াৰ উপৰি কৃষকক ফ্লেট অৰ্পণ কৰাৰ এক উপায়। সম্পত্তি ডেভেলপাৰসকলে কয় যে, ৫ হাজাৰ কিলোগ্ৰাম তৰমুজ, যাৰ মূল্য হ’ব ১০ লাখ য়ুৱান। সেই দেশত তৰমুজৰ খেতি কৰা সকলক উৎসাহিত কৰাৰ বাবে এই ব্যৱস্থা গ্ৰহণ কৰা হৈছে। পাছলৈ ই চীনৰ কৃষি অৰ্থনীতি শক্তিশালী কৰিব। চীনৰ অৰ্থনীতি দীৰ্ঘদিন ধৰি অস্থিৰ হৈ পৰিছে। বিভিন্ন ধৰণে সংকট মোকাবিলা কৰাৰ বাবে ই এক দেশজোৰা প্ৰচেষ্টাৰ অংশ।
