শতাব্দ ষ্টাফ ৰিপ’ৰ্টাৰ, ১৩ জুন : ‘মাইক্র’চফ্ট’-এ আটাইতকৈ পুৰণি ব্রাউজাৰ ‘ইন্টাৰনেট এক্সপ্ল’ৰাৰ’ বন্ধ কৰাৰ সিদ্ধান্ত লৈছে। ২৭ বছৰৰ দীর্ঘ উপস্থিতি। এপটোক আগন্তুক ১৫ জুনত অৱসৰ দিব। যাৰ বাবে ভাৰাক্রান্ত নেট-নাগৰিকৰ মন। ‘উইণ্ডজ ৯৫’ৰ ছড-অন পেকেজ হিচাবেই ১৯৯৫ চনত বজাৰলৈ আহিছিল ‘ইন্টাৰনেট এক্সপ্ল’ৰাৰ’। ২০০৩ চনত Internet Explorer বিশ্বৰ ৯৫ শতাংশ নেট ব্যৱহাৰ কৰা মানুহৰ দ্বাৰা ব্যৱহৃত হয়, কিন্তু ‘ইন্টাৰনেট এক্সপ্ল’ৰাৰ’-এ নিজৰ এই অর্জন ধৰি ৰাখিব নোৱাৰিলে। পৰৱর্তী বছৰবোৰত ‘ইউজাৰ বেছ’ নাটকীয়ভাৱে কমিবলৈ আৰম্ভ কৰে। ১৫ জুনত বন্ধ হোৱাৰ পিছত ইয়াক আৰু অপাৰেট কৰিব পৰা নাযাব। Internet Explorer যেতিয়া স্ব-মহিমাৰে বিৰাজ কৰিছিল তেতিয়াই বজাৰলৈ অনেক ব্রাউজাৰ আহিছিল। যিবোৰ অনেক গতিময়, অনেক মসৃণ, অনেক ‘ইউজাৰ ইন্টাৰফেচ’ আৰু অনেক উন্নত। ফলত Internet Explorer প্রতিযোগিতাত ধীৰে ধীৰে পিছুৱাই যায়।
