তেজপুৰৰ আঞ্চলিক মানসিক স্বাস্থ্য প্ৰতিষ্ঠানত ৰাষ্ট্ৰীয় পৰ্যায়ৰ আলোচনা সত্ৰ সম্পন্ন

শতাব্দ  ষ্টাফ ৰিপ’ৰ্টাৰ,তেজপুৰ,১৮মাৰ্চঃ তেজপুৰস্থ লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্রতিষ্ঠানত আজি সম্পন্ন হয় দুই দিনীয়া কাৰ্যসূচীৰে সপ্তম ৰাষ্ট্ৰীয় আলোচনা সত্ৰ৷ ৱৰ্ল্ড এচ’চিয়েচন ফৰ চাইক’চচিয়েল ৰিহেবিলিটেচন ৰ এই সত্ৰত আন্ত: ৰাষ্ট্ৰীয় আৰু ৰাষ্ট্ৰীয় স্তৰৰ প্ৰায় ২৫৭ গৰাকী গৱেষক তথা মানসিক স্বাস্থ্য কৰ্মীয়ে অংশ গ্ৰহণ কৰে৷ প্ৰথম দিনৰ কাৰ্যসূচী অতিথি সকলৰ দ্বাৰা বন্তি প্ৰজ্বলনেৰে আৰম্ভ হয়। আদৰণি ভাষণ আগবঢ়ায় লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠানৰ সঞ্চালক ডাঃ এছ কে দেউৰীয়ে । স্মৃতিগ্ৰন্থ উন্মোচন কৰে ৰিহেবিলিটেচন ৰ সভাপতি ডঃ গেব্রিয়ালি ৰোকা , সম্পাদক প্ৰধান ভি কে ৰাধাকৃষণ আৰু সম্পাদক এইচ কেন্দ্ৰশেখৰৰ লগতে মেগছেছে বঁটা প্ৰাপক আৰু শ্ৰদ্ধা ৰিহেবিলিটেচন ফাউণ্ডেচনৰ প্ৰতিষ্ঠাপক ডঃ ভাৰত বাটৱানীয়ে৷ মুখ্য অতিথি হিচাপে উপস্থিত থাকে তেজপুৰ চিকিৎসা মহাবিদ্যালয়ৰ অধ্যক্ষ ডাঃ কৰুণা হাজৰিকা । ভাৰত ক্ষেত্ৰৰ সভাপতি ডঃ চি ৰাম সুব্ৰমনিয়ামে সংস্হাটোৱে গ্ৰহণ কৰা বিভিন্ন পদক্ষেপ , জনসাধাৰণৰ অধিকাৰ লগতে সামাজিক গুৰুত্ব আৰু মানসিক স্বাস্থ্য কৰ্মীৰ দায়িত্ব সম্পৰ্কত আলোকপাত কৰে । শলাগ জ্ঞাপন কৰে আয়োজক সমিতিৰ সম্পাদক ডঃ শোভানা এইচে । উল্লেখযোগ্য যে এই সৰ্বভাৰতীয় পৰ্যায়ৰ অনুষ্ঠান এন ই চি আৰু তেজপুৰ লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্যৰ যুটীয়া সহযোগত অনুষ্ঠিত হয় । প্ৰথম দিনৰ কাৰ্যসূচী হিচাপে ” প্ৰমোটিং ৰাইটছ এণ্ড ৰিকভাৰী ইন মেন্টল হেলথ ” শীৰ্ষক সত্ৰ আৰম্ভণি কৰে ডঃ গেব্রিয়াল ৰোকা , ডঃ ভি কে ৰাধাকৃষ্ণন , ডঃ মুৰালী থায়লঠ আৰু ডঃ আলেকজেণ্ডাৰ স্মিথে৷ অনুষ্ঠানত আৰ থাৰা , ডঃ চি ৰাম সুব্ৰমনীয়াম , ডঃ শশী ৰায় , ডঃ আৰ পদ্মৱতী আৰু ডঃ মোহন কে আইজাকে অংশ লয় । অনুষ্ঠানৰ দ্বিতীয় ভাগত “ৰেহেবিলিটেচন ইন নৰ্থ ইষ্ট ইণ্ডিয়া ” শীৰ্ষক অনুস্থানত আলোচক হিচাপে উপস্থিত থাকে মিন্টু মণি শৰ্মা , দিলীপ গানকেৰ , ডঃ নিলেচ মোহিত আৰু ডঃ ৰাজকুমাৰ লেনীন সিং । অনুষ্ঠানৰ তৃতীয় পৰ্বত ” ৰিহেবিলিটেচন অফ হোমলেছ পাৰচন উইথ মেন্টল ইলনেছ ” শীৰ্ষক আলোচনা সত্ৰত জি স্বামীনাথ , ডঃ ভাৰত বাটৱানী , অঞ্জনা গোস্বামী , মাইকেল পি . এ উপস্থিত থাকে। অনুষ্ঠানত গৱেষণা পত্ৰ পাঠ ,ছয় খন কৰ্মশালা , বিভিন্ন মানসিক স্বাস্থ্য বিষয়ক ১৩ খন আলোচনা ,ই ই জি সমর্কীয় তথ্যকে ধৰি মানসিক স্বাস্থ্য সজাগতা , পেনেল আলোচনা আদিৰে সামৰণি পৰে । তেজপুৰৰ মানসিক স্বাস্থ্য প্ৰতিষ্ঠানে লোৱা গুৰুত্বপূৰ্ণ ভূমিকাত আন্ত: ৰাষ্ট্ৰীয় স্তৰৰ গৱেষক সকলে সন্তুষ্টি প্ৰকাশ কৰাৰ লগতে সকলোৰে সহযোগিতাৰ বাবে আহ্বান জনায়৷