ধন সৰবৰাহৰ গোচৰ : অসম কো-অপাৰেটিভ বেংকৰ প্ৰাক্তন এমডিক গ্ৰেপ্তাৰ

শতাব্দ ষ্টাফ ৰিপ’ৰ্টাৰ, ২৪ জুন : বেংকৰ সৈতে হোৱা আৰ্থিক প্ৰৱঞ্চনাৰ অভিযোগত জড়িত এক গোচৰত বলবৎকাৰী সঞ্চালকালয়ে ধন সৰবৰাহ বিৰোধী আইনৰ অধীনত গ্ৰেপ্তাৰ কৰিছে অসম কো-অপাৰেটিভ সমবায় বেংক লিমিটেডৰ এজন প্ৰাক্তন পৰিচালন সঞ্চালকক (এমডি)। যোৱা ২২ জুনত জিম্মাত লৈ যোৱাৰ পিছত তেওঁক ২৩ জুনত গুৱাহাটীৰ এখন বিশেষ ধন সৰবৰাহ প্ৰতিৰোধ আইন আদালতত হাজিৰ কৰোৱা হৈছিল। শুভ্ৰজ্যোতি ভৰালী নামৰ অসম কো-অপাৰেটিভ সমবায় বেংক লিমিটেডৰ প্ৰাক্তন এমডিজনক সাত দিনৰ ইডিৰ জিম্মালৈ প্ৰেৰণ কৰিছিল। তদন্তত প্ৰকাশ পাইছিল যে, ভৰালীয়ে নিজৰ চৰকাৰী পদৰ অপব্যৱহাৰ কৰি বেংকৰ পৰিচালন সঞ্চালক হিচাপে কাম কৰি থকাৰ সময়তে পেমেণ্ট সংগ্ৰাহক আৰু বেংকৰ ক্ষেত্ৰ কাৰ্যবাহীসকলক ট্ৰেভেলিং এলাউন্স দিয়াৰ নামত প্ৰায় ৯.৫১ কোটি টকাৰ অনিয়ম কৰিছিল।