বাৰ্ধক্যক সন্মানঃ তিনিচুকীয়াত ৩৬ বয়োজেষ্ঠ ব্যক্তিক সম্বৰ্ধনা

শতাব্দ প্ৰতিনিধি, তিনিচুকীয়া, ১৪ মে’ : তিনিচুকীয়া চহৰৰ গেলাপুখুৰী পথত  আজি এদিনীয়া কাৰ্যসূচীৰে অনুস্থিত ৩৪ সংখ্যক কচুজান আঞ্চলিক ৰঙালী বিহু সন্মিলনে অঞ্চলটোৰ আগশাৰীৰ ৩৬জন বয়োজ্যেষ্ঠ ব্যক্তিক সম্বৰ্ধনা জ্ঞাপন কৰে । অনুষ্ঠানত বিহু সমিতিৰ উদ্যোক্তাসকলে সম্বৰ্ধিত ব্যক্তিসকলক একোখন সম্বৰ্ধনা পত্ৰসহ ফুলাম গামোচা প্ৰদান কৰে । কাৰ্যসূচী অনুসৰি বিহু উদযাপন সমিতিৰ সভাপতি ৰঞ্জিত বৰ্মনে পুৱা পতাকা উত্তোলন কৰাৰ পাছত টেকেলী ভঙা, সংগীত চকী, চিত্ৰাংকণ, বিহুগীত, বিহুনৃত্য আদি প্ৰতিযোগিতা অনুষ্ঠিত হয় । বিয়লি বঁটা বিতৰণী সভাৰ পাছত সন্ধিয়া প্ৰয়াত আদিত্য কুমাৰ গগৈ আৰু প্ৰয়াত ভাস্কৰ বৰপাত্ৰগোহাঁইৰ সোৱঁৰণত সাংস্কৃতিক অনুষ্ঠান অনুষ্ঠিত হয়।