মেঘালয়ৰ নতুন আৰক্ষী সঞ্চালক প্ৰধান

শতাব্দ বিশেষ প্ৰতিনিধি, ১৭ মে’ : ডাঃ এল আৰ বিষ্ণ‌য়ক মেঘালয়ৰ নতুন আৰক্ষী সঞ্চালক প্ৰধান হিচাপে নিযুক্তি দিয়া হৈছে। পূৰ্বৰ মেঘালয়ৰ আৰক্ষী সঞ্চালক প্ৰধান আৰ চন্দ্ৰনাথনৰ অৱসৰৰ চাৰে চাৰি মাহৰ পাছতহে ৰাজ্যখনত নতুন আৰক্ষী সঞ্চালক প্ৰধান এজনক নিযুক্তি দিয়া হৈছে। বৰ্তমান অসম আৰক্ষীৰ বিশেষ সঞ্চালক প্ৰধান (প্ৰশিক্ষণ আৰু সশস্ত্ৰ আৰক্ষী) হিচাপে কৰ্মৰত বিষ্ণয় অসম আৰু মেঘালয় কেডাৰৰ ১৯৯১ বৰ্ষৰ ভাৰতীয় আৰক্ষী সেৱাৰ বিষয়া। উল্লেখযোগ্য যে, পশু চিকিৎসা বিজ্ঞানৰ স্নাতকোত্তৰ ডিগ্ৰীধাৰী ডাঃ বিষ্ণয়ে অসম আৰক্ষীৰ কেইবাটাও গুৰুত্বপূৰ্ণ পদত ইতিমধ্যে কাৰ্যনিৰ্বাহ কৰি আহিছে।