লখিমপুৰ বাণিজ্য মহাবিদ্যালয়ত বিশ্ব কৰ্মস্থলী নিৰাপত্তা আৰু স্বাস্থ্য দিৱস অনুষ্ঠিত

লখিমপুৰ: ২৮ এপ্ৰিল: সমগ্ৰ বিশ্বৰ লগতে লখিমপুৰ বাণিজ্য মহাবিদ্যালয়তো আজি বিশ্ব কৰ্মস্থলী নিৰাপত্তা আৰু স্বাস্থ্য দিৱস কাৰ্যসূচী অনুষ্ঠিত হৈ যায়। মহাবিদ্যালয়ৰ অৰ্থনীতি বিভাগৰ দ্বাৰা আয়োজিত এই কাৰ্যসূচী উদ্বোধন কৰে অধ্যক্ষ ড° লোহিত হাজৰিকাই। সভাৰ উদ্দেশ্য ব্যাখ্যা কৰে মহাবিদ্যালয়ৰ অৰ্থনীতি বিভাগৰ মুৰব্বী অধ্যাপক ড° সংগীতি বৰঠাকুৰ তামুলীয়ে। অনুষ্ঠানত সমল ব্যক্তি হিচাপে অংশ গ্ৰহণ কৰে ইংৰাজী বিভাগৰ মুৰব্বী অধ্যাপক ছাজ্জাদ হুছেইনে। অনুষ্ঠানত মহাবিদ্যালয়ৰ অৰ্থনীতি বিভাগৰ অধ্যাপক ড° শিখামণি বৰগোহাঁই, ভৃগু ফুকন, তিলক ডেকা, পংকজ লোচন দাসসহ গ্ৰন্থগাৰিক ৰুণজুন বৰুৱা আদিয়ে আলোচনা সভাত অংশগ্ৰহণ কৰে।