শতাব্দ বিশেষ প্ৰতিনিধি, ১১ আগষ্টঃ কৃষিক্ষেত্ৰত স্থায়ী উপাৰ্জন নাই। খৰাং বা বানপানীৰ দৰে প্ৰাকৃতিক কাৰণে যথেষ্ট ক্ষতি কৰিব পাৰে। যাৰ ফলত তেওঁলোকে বাৰে বাৰে বৃহৎ লোকচানৰ সন্মুখীন হয়। কিন্তু আজিকালি প্ৰযুক্তিৰ ব্যৱহাৰ কৰি এই সমস্যা দূৰ কৰিব পাৰি। আজিকালি জৈৱিক খেতিৰ প্ৰতি আগ্ৰহ বাঢ়িছে। কিন্তু তাৰ বাবেই কোনোবাই সুৰক্ষিত জীৱনৰ চাকৰি এৰি সহজে খেতি কৰিব বিচাৰিবনে?
নাম গীতাঞ্জলি ৰাজামণি। যদিও তেওঁ কেৰালাত জন্মগ্ৰহণ কৰিছিল, সৰুৰে পৰা তেওঁ হায়দৰাবাদত থাকিছিল। টিচিএছৰ দৰে আন্তঃৰাষ্ট্ৰীয় কোম্পানীত উচ্চ পদবীৰ চাকৰি পাইছিল। কিন্তু সেই চাকৰি এৰি তেওঁ শাক-পাচলি খেতি আৰম্ভ কৰিলে। বিশ্বাস কৰিব নোৱাৰা যেন লাগিলেও তেওঁ আচলতে কৰিছিল। গীতাঞ্জলিৰ মাত্ৰ দুবছৰ বয়সতে পথ দুৰ্ঘটনাত মৃত্যু হয় গীতাঞ্জলিৰ পিতৃৰ। মাক আৰু ভায়েকৰ লগত ডাঙৰ হৈছিল। ২০০১ চনত বিজ্ঞান শাখাত স্নাতক ডিগ্ৰী লাভ কৰাৰ পিছত ২০০৪ চনত পুডুচেৰীৰ পৰা এম বি এ কৰে। প্ৰায় ১২ বছৰ এটা কোম্পানীত কাম কৰিছিল। তাৰ পিছত গীতাঞ্জলিয়ে TCS কোম্পানীত ভাল দৰমহা পোৱা চাকৰি এটা পালে।l কোনোবাই সুৰক্ষিত জীৱনৰ চাকৰি এৰি সহজে খেতি কৰিব বিচাৰিবনে?
এই সময়ছোৱাত তেওঁ বিয়াও পাতিছিল। এতিয়া নিজাকৈ ব্যৱসায় আৰম্ভ কৰিলে। তেওঁ লক্ষ্য কৰিলে যে বজাৰত অৰ্গেনিক নাম লৈ প্ৰৱঞ্চনা চলি আছে। তাৰ পিছত ২০১৭ চনত নিজাকৈ কৃষি কোম্পানী আৰম্ভ কৰে। যিসকলে জৈৱিকভাৱে সঠিকভাৱে খেতি কৰে। গীতাঞ্জলি আজিৰ দিনত জৈৱিক কৃষিৰ এক বহুলভাৱে পৰিচিত নাম। হায়দৰাবাদ, বেংগালুৰু, চুৰাটৰ দৰে বিভিন্ন চহৰত ৪৬ একৰ মাটিত তেওঁ জৈৱিকভাৱে খেতি কৰে। ইয়াৰ সমান্তৰালভাৱে তেওঁ বহুতো বৃহৎ কোম্পানীৰ পৰা আৰ্থিক সহায় লাভ কৰিছিল। ভাৰতীয় কৃষকসকলক জৈৱিক আৰু প্ৰাকৃতিক কৃষিৰ ফালে মুখ কৰিবলৈ আহ্বান জনাইছে গীতাঞ্জলিয়ে। তেওঁ কয় যে ৰাসায়নিক সাৰে দীৰ্ঘকালীনভাৱে কেৱল জনসাধাৰণৰেই নহয়, ভূমিৰো ক্ষতি কৰে। পৰৱৰ্তী সময়ত উৎপাদন বহু পৰিমাণে হ্ৰাস পায়। ভাৰতৰ মাটি কৃষিৰ বাবে উত্তম যদিও ৰাসায়নিক সাৰৰ দ্বাৰা ইয়াৰ অৱক্ষয় ঘটিছে। বৰ্তমান গীতাঞ্জলিয়ে বছৰি ৪ কোটি টকা উপাৰ্জন কৰি আছে। ২০১৭ চনত তেওঁ নিজাকৈ ফাৰ্মাচিউটিকেল কোম্পানী প্ৰতিষ্ঠা কৰে। আজি ১৬ হাজাৰৰো অধিক গ্ৰাহকে তেওঁৰ পৰা শাক-পাচলি ক্ৰয় কৰে।লকডাউনৰ সময়তো গীতাঞ্জলিৰ ব্যৱসায়ৰ উত্থান ঘটিছিল। গীতাঞ্জলিয়ে এটা এপ তৈয়াৰ কৰিছে। যাৰ জৰিয়তে তেওঁ ঘৰলৈ শাক-পাচলিও যোগান ধৰে।
