শেষ ১৬ত মেছিৰ আৰ্জেণ্টিনা, হাৰিও প্ৰি কোৱাৰ্টাৰত পোলেণ্ড

শতাব্দ ষ্টাফ ৰিপ’ৰ্টাৰ, ১ ডিচেম্বৰ : আৰ্জেণ্টিনাৰ বিশ্বকাপ ভ্ৰমণ এতিয়াও অব্যাহত আছে। লিয়নেল মেছিৰ অন্তিমখন বিশ্বকাপত আৰ্জেণ্টিনাই প্ৰি কোৱাৰ্টাৰ ফাইনেলৰ বাবে যোগ্যতা অৰ্জন কৰিছে। তেওঁলোকৰ সৈতে গ্ৰুপ-চিৰ পৰা পোলেণ্ডেও শেষ ১৬ত স্থান লাভ কৰে। ৰবাৰ্ট লেৱাণ্ডোস্কিৰ বিৰুদ্ধে আৰম্ভণিৰে পৰাই আক্রমণ কৰিছিল আৰ্জেণ্টিনাই। পোলেণ্ডে আৰম্ভণিতে ডিফেন্সত আধিপত্য বিস্তাৰ কৰিছিল। খেলখনৰ প্ৰথমাৰ্ধত আৰ্জেণ্টিনাই ইটোৰ পিছত সিটোকৈ পোলেণ্ডৰ গ’ল বক্সত আক্ৰমণ কৰিছিল। অৱশ্যে মেছিয়ে দুৰ্গ ভেদিব নোৱাৰিলে। জীৱন-মৰণ মেচখনত আৰ্জেণ্টিনাই দ্ৰুততাৰে গ’ল দিবলৈ চেষ্টা কৰিছিল। কিন্তু পোলেণ্ডৰ গ’লৰক্ষকে নিজৰ দুৰ্গ অক্ষত ৰাখিবলৈ দক্ষতাৰে দায়িত্ব পালন কৰিছিল। পোলেণ্ড আৰু আৰ্জেণ্টিনাৰ খেলখনৰ প্ৰথমাৰ্ধ গ’লবিহীনভাৱে সমাপ্ত হয়। প্ৰথমাৰ্ধত পোলেণ্ডে চেজনীৰ পৰা কেইবাটাও ডাঙৰ ছেভ লাভ কৰে। লিঅ’নেল মেছিৰ পেনাল্টি ছেভকে ধৰি।

এই মেচৰ পূৰ্বে পোলেণ্ডৰ গ’লৰক্ষক ৱ’চিচ চেজনীয়ে মেছিক ভাবুকি দিছিল। তেওঁ কৈছিল যে তেওঁ মেছিক পঢ়িব পাৰে। তেওঁ পেনাল্টি শ্বট্ ব্লক কৰিবলৈ ভালদৰে অধ্যয়ন কৰিছে। আজিৰ খেলখনত সেই আত্মবিশ্বাস চেজনীৰ চকুত জিলিকি আছিল। খেলখনৰ ৩৭ মিনিটৰ পাছত আৰ্জেণ্টিনাই পেনাল্টি লাভ কৰে। মেছিয়ে শ্বট্ লৈছিল। আৰু চেজনী? মেছিৰ সেই শ্বট্ চেজানীয়ে অতি সুন্দৰভাৱে ব্লক কৰিছিল। শ্বটটো লোৱাৰ সময়ত মেছিক অলপ মানসিক চাপত থকা যেন লাগিছিল। পেনাল্টি ৰক্ষা কৰিবলৈ চেজনীয়ে মেছিৰ ফালে খালী দৃষ্টিৰে চাই আছিল। মেছিৰ শ্বটে সেয়ে ভেদিব নোৱাৰিলে চেজনীৰ দুৰ্গ। ক্ষিপ্ৰতাৰে আবদ্ধ কৰিলে সুৰক্ষিত গ্লভছত। আত্মবিশ্বাসী চেজনীয়ে মেছিৰ বিষয়ে যি কৈছিল সেয়া প্ৰমাণ কৰি দিলে। চাব্বাচ চেজনী!

মেছিয়ে দ্বিতীয়াৰ্ধ আৰম্ভ কৰিছিল; য’ত আৰ্জেণ্টিনাই প্ৰথমাৰ্ধৰ অন্ত পেলাইছিল। দ্বিতীয়ার্ধ আৰম্ভ হোৱাৰ পাছত ৪৬ মিনিটত এলেক্সিছ মেকএলিষ্টাৰৰ গ’লৰ মাজেৰে নাহেল মলিনাৰ পাছৰ সহায়ত আৰ্জেণ্টিনাই অগ্ৰগতি লাভ কৰে। মেক এলিষ্টাৰৰ গ’লটো আছিল ছেট শ্বট্। ইয়াৰ পাছত ৬৭ মিনিটৰ শেষত এনজো ফাৰ্নাণ্ডেজৰ পাছৰ পৰা জুলিয়ান আলভাৰেজৰ গ’লেৰে আৰ্জেণ্টিনাই ২-০ গ’লত অগ্ৰগতি লাভ কৰে। বিপৰীত দলে শেষলৈকে কোনো গ’ল নাপালে। কিন্তু আৰ্জেণ্টিনাই পোলেণ্ডৰ বিৰুদ্ধে ইয়াতকৈয়ো বৃহৎ ব্যৱধানত জয়লাভ কৰিব পাৰিলেহেঁতেন, যদিহে চেজনীৰ দুটামান ডাঙৰ ছেভ নহ’লহেঁতেন।

পোলেণ্ডৰ বিৰুদ্ধে আজি লিঅ’নেল মেছিয়ে এটাও গ’লৰ মুখ নেদেখিলে। অৱশ্যে কাটাৰত অনুষ্ঠিত বিশ্বকাপৰ গ্ৰুপ পৰ্যায়ৰ অন্তিমখন খেলত খেলি এল এম টেনে অভিলেখ গঢ়িবলৈ সক্ষম হয়। আৰ্জেণ্টিনাৰ কিংবদন্তি ডিয়েগ’ মাৰাডনাই দেশখনৰ জাৰ্চি পিন্ধি মুঠ ২১খন বিশ্বকাপৰ খেল খেলিছিল। আজি কাটাৰৰ ৯৭৪খন ষ্টেডিয়ামত সেই অভিলেখ ভংগ কৰিলে মেছিয়ে। মেছিয়ে বিশ্বকাপত মুঠ ২২খন খেল খেলিলে।

গ্ৰুপ-চিৰ আনখন খেলত ছৌদি আৰৱৰ বিৰুদ্ধে ২-১ গ’লত জয়লাভ কৰিও মেক্সিকো শেষ ১৬লৈ যাব নোৱাৰিলে। মেচখনৰ ৪৭ মিনিটত হেনৰী মাৰ্টিনৰ গ’লেৰে মেক্সিকোৱে অগ্ৰগতি লাভ কৰে। ৫২ মিনিটত লুইছে গ’লৰ পাৰ্থক্য বৃদ্ধি কৰে। অতিৰিক্ত সময়ত ছৌদি আৰৱৰ হৈ চেলেমে এটা গ’ল দিয়ে। ফলত মেক্সিকো গ্ৰুপ পৰ্যায়ৰ পৰা বাহিৰ হ’ল। পোলেণ্ড মেক্সিকো বিশ্বকাপৰ পৰা বাহিৰ হোৱাৰ কাৰণ হ’ল। সমান ৪ পইণ্ট লাভ কৰাৰ পিছতো ৰবাৰ্ট লেৱাণ্ডোস্কিৰ দলটোৱে গ’লৰ পাৰ্থক্যৰ বাবেই শেষ ১৬ত প্ৰৱেশ কৰে।