শতাব্দ ষ্টাফ ৰিপৰ্টাৰ, ৫ জুলাইঃ সোণেই সোণ। লডা লডাকৈ হাজাৰ বিজাৰ সোণৰ লডাৰ সন্ধান ওলাইছে পূব আফ্ৰিকাৰ দৰিদ্ৰতাত ভুগি থকা উগাণ্ডাত। এটা নতুন সোণৰ খনি আৱিষ্কাৰ কৰা হৈছে। বৰ্তমান বজাৰ মূল্য অনুসৰি খনিটোত মজুত থকা সোণৰ পৰিমাণ ১২ ট্ৰিলিয়ন ডলাৰ।
উগাণ্ডাৰ শক্তি আৰু খনিজ সম্পদ মন্ত্ৰালয়ে এক বিবৃতিত কয় যে চীনৰ খনন আৰু অক্সিজেন খনন কোম্পানী ৱাগাগাইয়ে পূব উগাণ্ডাৰ বুছিয়া চহৰত সোণৰ খনিটো আৱিষ্কাৰ কৰিছে। বিবৃতিটোত কোৱা হৈছে যে খনিটোত কমেও ৩ কোটি ১০ লাখ টন অক্সিজেন সোণ মজুত আছে।
এই পৰিমাণৰ অক্সিজেন সোণ শোধন কৰিলে কমেও ৩ লাখ ২০ হাজাৰ ১৫৬ টন বিশুদ্ধ সোণ পোৱাটো সম্ভৱ, যাৰ বৰ্তমান বজাৰ মূল্য ১২ ট্ৰিলিয়ন ডলাৰ।
চলিত বৰ্ষৰ মাৰ্চ মাহত চীনা কোম্পানী ৱাগাগাইক উগাণ্ডাত সোণৰ খনিসমূহ অন্বেষণ কৰিবলৈ অনুমোদন লাভ কৰিছিল। কোম্পানীটোৱে অনুসন্ধান আৰম্ভ কৰাৰ মাত্ৰ চাৰি মাহৰ পিছতে উগাণ্ডাত এটা নতুন খনি আৱিষ্কাৰ কৰে। ফলত চাৰিমাহতে কপাল ফুলিল চীনা কোম্পানীৰ।
