হাতীলোংপৰীয়া শাখা সাহিত্য সভাৰ দ্বি-বাৰ্ষিক অধিৱেশন সম্পন্নঃ গ্ৰন্থ উন্মোচন

শতাব্দ ষ্টাফ ৰিপৰ্টাৰ,৩০ মাৰ্চঃ লক্ষীমপুৰ জিলা সাহিত্য সভাৰ অন্তৰ্গত অন্যতম সক্ৰিয় শাখা হাতীলোংপৰীয়া শাখা সাহিত্য সভাৰ দ্বি-বাৰ্ষিক অধিৱেশন আজি দিনজোৰা কাৰ্যসূচীৰে হাতীলোং উচ্চ মাধ্যমিক বিদ্যালয়ত অনুষ্ঠিত হয়। অধিৱেশনৰ মুকলি সভা উদ্বোধন কৰে অসম সাহিত্য সভাৰ উত্তৰ লক্ষীমপুৰ আঞ্চলিক কাৰ্য্যালয়ৰ সম্পাদক বিপুল শৰ্মা বৰুৱাই। হাতীলোংপৰীয়া শাখা সাহিত্য সভাৰ সভাপতি দণ্ডী তামুলী ফুকনৰ সভাপতিত্বত অনুষ্ঠিত মুকলি সভাত নিৰ্দ্দিষ্ট বক্তাৰ ভাষণ দিয়ে লক্ষীমপুৰ জিলা সাহিত্য সভাৰ সম্পাদক নৱকমল বৰাই। লক্ষীমপুৰ জিলা সাহিত্য সভাৰ নৱনিৰ্বাচিত সভাপতি উমানন্দ বৰুৱাই মুখ্য অতিথিৰ ভাষণ দিয়া সভাত প্ৰণীতা বৰদলৈ লক্ষীমপুৰ জিলা সাহিত্য সভাৰ নৱনিৰ্বাচিত উপ-সভাপতি সঞ্জীৱ উপাধ্যায় আৰু কবি মুকুট গগৈয়ে বিশিষ্ট অতিথিৰূপে অংশগ্ৰহণ কৰে। শাখা সাহিত্য সভাৰ সম্পাদক ধনেশ্বৰ তামুলী ফুকনে উদ্দেশ্য ব্যাখ্যা কৰা এই মুকলি সভাত ৰমাকান্ত বৰুৱাৰ স্মৃতিত ভিন্ন প্ৰান্তৰ নামৰ গ্ৰন্থ উন্মোচন কৰে সদৌ অসম কবি সন্মিলনৰ সভাপতি বংশী বৰাই। অধিৱেশন উপলক্ষে পুৱা গছপুলি ৰোপন, পতাকা উত্তোলন, স্মৃতি তৰ্পণ, ছাত্ৰ ছাত্ৰীৰ মাজত সাহিত্য প্ৰতিযোগিতা, প্ৰতিনিধি সভা অনুষ্ঠিত হয়।