শতাব্দ ষ্টাফ ৰিপ’ৰ্টাৰ, ১২ আগষ্ট : এই বিশাল বিশ্বব্ৰহ্মাণ্ডৰ প্ৰতিটো অংশতে লুকাই আছে গোপনীয়তা। সেই ৰহস্য উন্মোচন কৰিবলৈ বিজ্ঞানীসকল বছৰ বছৰ ধৰি দীঘলীয়া গৱেষণাত নিয়োজিত হৈ আহিছে। অৱশ্যে এইবাৰ এক আশ্চৰ্যজনক তথ্য পোহৰলৈ আহিছে। শেহতীয়াকৈ জনা গৈছে যে আমেৰিকাৰ মহাকাশ গৱেষণা সংস্থা নাছা (National Aeronautics and Space Administration, NASA)ই এখন নতুন পৃথিৱী আৱিষ্কাৰ কৰিছে। লাভ কৰা তথ্য অনুসৰি জনা গৈছে যে, এই পৃথিৱীখন আমাৰ গ্ৰহৰ পৰা প্ৰায় ৩৭ আলোকবৰ্ষ দূৰত অৱস্থিত। কেৱল সেয়াই নহয়, ইয়াৰ ভৰ আমাৰ গ্ৰহতকৈ প্ৰায় চাৰিগুণ। Ross 508b নামৰ এই গ্ৰহটোৱে M-Typeৰ তৰা এটাক প্ৰদক্ষিণ কৰে। ঠিক যেনেকৈ আমাৰ গ্ৰহটো সূৰ্যৰ চাৰিওফালে ঘূৰি থাকে। আটাইতকৈ আচৰিত কথাটো হ’ল এই নতুন পৃথিৱীত এটা বছৰ প্ৰায় ১১ দিনত সম্পূৰ্ণ হয়। মন কৰিবলগীয়া যে M-Type তৰাবোৰ সূৰ্যতকৈ ৰঙা আৰু ঠাণ্ডা। লগতে ই কম পোহৰ নিৰ্গত কৰে। এই ৰঙা তৰাবোৰ আমাৰ সৌৰজগতৰ চাৰিওফালে প্ৰচুৰ পৰিমাণে পোৱা যায়। আচলতে ইহঁতে আমাৰ তাৰকাৰাজ্যৰ তিনি চতুৰ্থাংশ অংশ বিস্তৃত হৈ আছে। এই ক্ষেত্ৰত জনা যায় যে এই নতুনকৈ আৱিষ্কৃত গ্ৰহটোতো পানীৰ উপস্থিতি আছে। যিটো জীৱনৰ সম্ভাৱনা অন্বেষণৰ বাবে এক অতি গুৰুত্বপূৰ্ণ লজিষ্টিক বুলি গণ্য কৰা হয়। সংবাদ মাধ্যমৰ বাতৰি অনুসৰি নাছাৰ এক্স’প্লেনেটেৰী এনচাইক্ল’পিডিয়াত মুঠ ৫০৬৯টা আৱিষ্কাৰ, ৮৮৮৩টা প্ৰাৰ্থী আৰু ৩৭৯৭টা গ্ৰহ ব্যৱস্থাৰ তালিকা দিয়া হৈছে। সেই অনুসৰি ২০২০ চনত আৱিষ্কাৰ হৈছিল এই ছুপাৰ আৰ্থ। জানিব পৰা মতে, কেণ্টাৰবেৰী বিশ্ববিদ্যালয়ৰ জ্যোতিৰ্বিজ্ঞানীসকলে ইতিমধ্যে এই অনাৱিষ্কৃত গ্ৰহটো দেখিছে। যিটো পৃথিৱীৰ সমান আকাৰ আৰু ভৰৰ গ্ৰহবোৰৰ ভিতৰত এটা। ইয়াৰ উপৰি এটা গৃহস্থ তৰা আছে, যিটো সূৰ্যৰ ভৰৰ প্ৰায় ১০ শতাংশ।প্ৰসংগক্ৰমে এটা অতি-পৃথিৱীৰ ভৰ পৃথিৱী আৰু নেপচুনৰ মাজত থাকে। এই ক্ষেত্ৰত অধ্যয়নটোৰ মুখ্য লেখক ড° হেৰেৰা মাৰ্টিনৰ মতে এই তথ্য অতি বিৰল। পৃথিৱীৰ দৰেই এই ছুপাৰ-আৰ্থৰ সন্ধান কৰিবলৈ চুবাৰু টেলিস্কোপ ব্যৱহাৰ কৰাৰ উপৰি ইনফ্ৰাৰেড স্পেকট্ৰ’গ্ৰাফো ব্যৱহাৰ কৰা হৈছিল।
