শতাব্দ ষ্টাফ ৰিপ’ৰ্টাৰ, ২৭ আগষ্ট : ইউৰোপত আৱিষ্কাৰ হোৱা আটাইতকৈ ডাঙৰ ডাইনোছৰ হ’ব পৰা এটা ডাইনোছৰৰ অৱশিষ্টখিনি পৰ্তুগীজৰ এখন বাগিচাত খনন কৰা হৈছে। ২০১৭ চনত মধ্য চহৰ পম্বালত এজন লোকে নিজৰ ঘৰ নিৰ্মাণৰ কাম আৰম্ভ কৰাৰ সময়তে আৱিষ্কাৰ হৈছিল এটা ছাউৰ’পডৰ জীৱাশ্মযুক্ত কংকাল। ছাউৰোপড আছিল সকলো ডাইনোছৰৰ ভিতৰত আটাইতকৈ ডাঙৰ আৰু এতিয়ালৈকে জীয়াই থকা আটাইতকৈ ডাঙৰ স্থলজ প্ৰাণী। ডিঙি আৰু ঠেং দীঘল আছিল, গছ-গছনিৰ পাত খাইছিল আৰু চাৰিটা ভৰিৰে খোজ কাঢ়িছিল। চলিত মাহৰ আৰম্ভণিতে পৰ্তুগাল আৰু স্পেইনৰ পুৰাজীৱবিজ্ঞানীসকলে সম্ভাৱ্য ব্ৰেকিঅ’ছ’ৰিড ছ’ৰ’পডৰ মেৰুদণ্ড আৰু পাঁজৰৰ কিছু অংশ উদ্ধাৰ কৰিছিল যিয়ে প্ৰকাশ কৰে যে বিশাল সৰীসৃপটো ওখ প্ৰায় ১২ মিটাৰ (৩৯ ফুট) আৰু দীঘল ২৫ মিটাৰ (৮২ ফুট) আছিল। উচ্চ জুৰাছিক পলসুৱা শিলত এই কংকালটো পোৱা গৈছে, যাৰ পৰা অনুমান কৰিব পাৰি যে ই প্ৰায় ১৫০ মিলিয়ন বছৰ পুৰণি। ডাইনোছৰটোৰ সম্ভৱতঃ মৃত্যু হোৱা অৱস্থাত পোৱা এই কংকালটোৰ ওপৰত এতিয়া আন্তঃৰাষ্ট্ৰীয় গৱেষণা দলে অধ্যয়ন কৰি আছে। কংকালটোৰ তুলনামূলকভাৱে অক্ষত অৱস্থানৰ বাবে, খন্দাটোৰ ওপৰত কাম কৰা পুৰাতত্ত্ববিদসকল আশাবাদী যে ইয়াৰ আৰু অধিক অংশ আছে, যিবোৰ তেওঁলোকে এতিয়াও উদ্ধাৰ কৰিব পৰা নাই। লিছবন বিশ্ববিদ্যালয়ৰ বিজ্ঞান অনুষদৰ পোষ্ট ডক্টৰেট গৱেষক এলিজাবেট মালাফাইয়াই জনায়— “এই অৱস্থাত দূৰৰ কথা, এনেধৰণৰ প্ৰাণীৰ সকলো পাঁজৰ বিচাৰি পোৱাটো সাধাৰণ কথা নহয়, নিজৰ মূল শাৰীৰিক অৱস্থান বজাই ৰখাটো সাধাৰণ কথা নহয়।”
