লখিমপুৰত উইংগাৰ -ই ৰিক্সাৰ মুখামুখি সংঘৰ্ষ ; নিহত -১ 

শতাব্দ প্ৰতিনিধি, লখিমপুৰ ২১ মে : লখিমপুৰ নগৰৰ মৈদমীয়াত আজি এক ভয়ংকৰ পথ দুৰ্ঘটনা সংঘটিত হয় । পুৱা প্রায় ৫ বজাত সংঘটিত এই ঘটনাত মৈদমীয়া নিবাসী মইনুদ্দিন আলি (৪৫)নামৰ লোকজনৰ থিতাতে মৃত্যু হয় । ঘটনাৰ বিৱৰণী অনুসৰি আজি পুৱা পাঁচ মান বজাত ১৫ নং ৰাষ্ট্ৰীয় ঘাইপথৰ মৈদমীয়াত বগীনদী দিশৰ পৰা লখিমপুৰ নগৰৰ দিশে তীব্র বেগত আহি থকা অৰুণাচলৰ AR08B 2690 নম্বৰৰ উইংগাৰখনে ASO7ER- 0378 নম্বৰৰ ইৰিক্সাখনক মুখামুখিকৈ প্ৰচণ্ড জোৰত খুন্দা মাৰে ।ফলত ই ৰিক্সা চালক মইনুদ্দিন আলিৰ ঘটনাস্থলিতে নিহত হয় । ঘটনা সন্দৰ্ভত যান বাহন আৰক্ষীয়ে অনুসন্ধান অব্যাহত ৰাখিছে ।