অসম

শতাব্দ ষ্টাফ ৰিপৰ্টাৰ, তিনিচুকীয়া, ১৭ জুলাই : দেওবাৰে নিশা সংঘটিত এক শোকাবহ পথ দুৰ্ঘটনাত তিনিচুকীয়াৰ ৰে’ল বিভাগৰ এজন যুৱ বিষয়া নিহত হয় ৷ সূত্ৰমতে কালি নিশা প্ৰায় ১০.৩০ বজাত হিজুগুৰি আৰক্ষী চকীৰ সমীপত সংঘটিত দুৰ্ঘটনাত প্ৰাণ হেৰুৱাই ৰে’লৱেৰ অপাৰেটিং ক’ণ্ট্ৰলৰ (টি আই) ফাৰুক আহমেদ (৩২) নামৰ বিষয়াজনে ৷ কৰ্তব্য সমাপন কৰি নিজ কোৱাৰ্টাৰলৈ উভতাৰ সময়ত অচিনাক্ত গাড়ীৰ খুন্দাত গুৰুতৰভাৱে আহত ফাৰুক আহমেদক ডিব্ৰুগড়লৈ চিকিৎসাৰ বাবে নিয়া হয় যদিও অসম চিকিৎসা মহাবিদ্যালয়ত তেওঁ নিশাই মৃত্যুবৰণ কৰে বুলি প্ৰকাশ ৷ জানিব পৰা মতে প্ৰয়াত ফাৰুক…

শতাব্দ ষ্টাফ ৰিপ’ৰ্টাৰ, লখিমপুৰ, ১৭ জুলাইঃ লখিমপুৰ জিলাৰ এখন খৰস্ৰোতা নদী হৈছে শিঙৰা নদী৷ নাওবৈচাবাসীৰ চকুলো স্বৰূপ এই শিঙৰা নদীয়ে প্ৰতিবছৰে বাৰিষা বানৰ সৃষ্টি কৰি অভাৱনীয় পৰিস্থিতিৰ সূচনা কৰি আহিছে৷ চলিত বাৰিষাতো ব্যতিক্ৰম নহ’ল শিঙৰা নদী৷ যোৱা ১৪ জুনৰ দুপৰীয়া শিঙৰা নদীয়ে ১ নং শ’লমৰীয়াত শিঙৰা নদীৰ সোঁপাৰৰ মথাউৰিটোৰ প্ৰায় ১৯০ মিটাৰ অংশ চিঙি নিয়াৰ ফলত নাওবৈচা ৰাজহ চক্ৰত অভাৱনীয় বান পৰিস্থিতিৰ সূচনা হৈছিল৷ এই চিঙা বান্ধ নিৰ্মাণৰ বাবে লখিমপুৰ জিলা প্ৰশাসন আৰু জলসম্পদ বিভাগে বিশেষ তৎপৰতা প্ৰদৰ্শন কৰি প্ৰতিকূল বতৰৰ মাজতে এমাহৰ…

শতাব্দ ষ্টাফ ৰিপ’ৰ্টাৰ,তেজপুৰ,১৭জুলাইঃ তেজপুৰ জিলাক্ৰীড়া সন্হাৰ উদ্যোগত তেজপুৰৰ পলফিল্ডত অনুষ্ঠিত হোৱা বিশ্বজিৎ দত্ত ৰয় সোঁৱৰণি বি ডিভিজন ফুটবল লীগৰ আজি অনুষ্ঠিত হোৱা খেলত পূব শোণিতপুৰ ফুটবল দলে গাছা ফুটবল দলক ২-১ ব্যৱধানত পৰাস্ত কৰে৷আজিৰ বিজয়ৰে দলটোৱে গ্ৰুপ পৰ্যায়ৰ সকলো খেলতে জয়ী হৈ সম্পূৰ্ণ পইন্ট অৰ্জন কৰিছে৷উল্লেখযোগ্য যে,জিলাখনৰ মুঠ ১২টা দলে এই লগত অংশ লৈছিল৷অহা দুদিনত প্ৰতিযোগিতাখনৰ চেমিফাইনেল খেল দুখন অনুষ্ঠিত হোৱাৰ বিপৰীতে ২০ জুলাইত চূড়ান্ত খেলখন অনুষ্ঠিত হ’ব৷

শতাব্দ ষ্টাফ ৰিপ’ৰ্টাৰ, লখিমপুৰ, ১৭ জুলাইঃ ৰাজ্যত আজিও নিযুক্তিৰ পৰা বঞ্চিত হৈ আছে সাত সহস্ৰাধিক এ এন এম নাৰ্চ৷ প্ৰায় আঠ বছৰ পূৰ্বেই চৰকাৰী ভাৱে প্ৰশিক্ষণ গ্ৰহণ কৰা এইসকল নাৰ্চক আজিও চৰকাৰে চাকৰিত মকৰল নকৰাত তেওঁলোকে তীব্ৰ ক্ষোভ প্ৰকাশ কৰিছে৷ দেওবাৰে নৰ্থ লখিমপুৰ প্ৰেছ ক্লাবত এখন সংবাদমেল অনুষ্ঠিত কৰি একাংশ চৰকাৰী প্ৰশিক্ষণপ্ৰাপ্ত নাৰ্চে তেওঁলোকৰ মৰ্মবেদনা ব্যক্ত কৰে৷ ২০১৩-১৫ চনতে দুবছৰীয়া প্ৰশিক্ষণ গ্ৰহণ কৰা এইসকল নাৰ্চৰ বয়স বাঢ়ি যোৱাৰ পিছতো এইপৰ্যন্ত চৰকাৰে তেওঁলোকক নিযুক্তি নিদিয়াত ব্যক্তিগত স্বাস্থ্য খণ্ডত অতি নিম্ন…

শতাব্দ ষ্টাফ ৰিপ’ৰ্টাৰ, তেজপুৰ, ১৭ জুলাইঃ তেজপুৰৰ এক অন্যতম পৰ্যটন তথা ঐতিহাসিকভাবে গুৰুত্বপূৰ্ণ স্হান তথা তেজপুৰৰ প্ৰাকৃতিক সুৰক্ষা স্বৰূপ ঔগুৰি পাহাৰৰ এটা অংশ ব্যক্তিগত খণ্ডক হস্তান্তৰৰ বিৰুদ্ধে আছুকে ধৰি বিভিন্ন ছাত্ৰ সংগঠন আৰু তেজপুৰ সাহিত্য সভাই বিৰোধিতা কৰিছে৷আজি আছুকে ধৰি সাহিত্য সভা, চাহ আদিবাসী ছাত্ৰ সন্হা, গোৰ্খা ছাত্ৰ সন্হা আৰু অসম সেনাৰ এটা প্ৰতিনিধি দলে ব্যক্তিগত চক্ৰটোৱে দখল কৰা সেই স্হানত উপস্থিত হৈ পৰিস্থিতি পৰ্যবেক্ষণ কৰাৰ পিছতে আটাইকেইটা সংগঠনে এই চক্ৰটোৰ বিৰুদ্ধে সৰৱ হোৱাৰ লগতে শোণিতপুৰ প্ৰশাসনৰ বিৰুদ্ধেও…

শতাব্দ ষ্টাফ ৰিপ’ৰ্টাৰ,তেজপুৰ,১৫জুলাইঃ তেজপুৰত এজন আৰক্ষী বিষয়াৰ কুকৰ্মই সংবাদ শিৰোনাম দখল কৰাৰ সময়তে এইবাৰ পোহৰলৈ আহিছে এগৰাকী শিক্ষকৰ বিৰুদ্ধে একেই অভিযোগৰ কাহিনী৷ অভিযোগ অনুসৰি, দশম শ্ৰেণীৰ এগৰাকী ছাত্ৰীক একেখন বিদ্যালয়ৰে অংকৰ শিক্ষক পুলিন বৰাই অশালীন ইংগিত দিছে৷তেজপুৰ বালিপুখুৰী তিনিআলি নিবাসী পুলিন বৰাই নিজ ঘৰতে বিদ্যালয়খনৰ একাংশ ছাত্ৰ-ছাত্ৰীক  টিউচন কৰে৷যোৱা আঠ জুলাইত আন ছাত্ৰ-ছাত্ৰী টিউচনৰ পৰা পৰা যোৱাৰ পিছত এগৰাকী ছাত্ৰীক ৰ'বলৈ দি বিভিন্ন অশালীন কথা-বতৰা কৈ পিছদিনা বিয়লি চাৰি বজাত অকলে পঢ়িবলৈ মাতে৷ এইবিষয়ে ছাত্ৰীৰ…

শতাব্দ ষ্টাফ ৰিপৰ্টাৰ, তিনিচুকীয়া, ১৫ জুলাই : 'ৰে'ল শ্ৰমিকৰ ন্যায্য প্ৰাপ্য আদায়ৰ ঐতিহাসিক আন্দোলনৰ জৰিয়তে অল ইণ্ডিয়া ৰেলৱেমেনছ্‌ ফেডাৰেচনে যুগান্তকাৰী ইতিহাস সৃষ্টি কৰিছে৷ প্ৰধানমন্ত্ৰী নৰেন্দ্ৰ মোদী নেতৃত্বাধীন বিজেপি চৰকাৰে নতুন পেঞ্চন নীতি বাতিল নকৰিলে আকৌ ১৯৬৮ আৰু ১৯৭৪ চনৰ‌ দৰে নতুন ইতিহাসৰ সূচনা কৰিবলৈ সাজু হৈছে অল ইণ্ডিয়া ৰেলৱেমেনছ্‌ ফেডাৰেচন ৷’ প্ৰতিবাদৰ ভাষা বুজি নোপোৱা কেন্দ্ৰীয় চৰকাৰক কঠোৰ ভাষাৰে সকীয়নি দি আজি এন এফ ৰে'লৱে মজদুৰ ইউনিয়নৰ লিডু শাখাৰ ২৬ সংখ্যক বাৰ্ষিক অধিবেশনত মুখ্য অতিথিৰূপে উপস্থিত থাকি এইদৰে…

উত্তৰ লখিমপুৰ, ১৫ জুলাইঃ অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত লখিমপুৰ জিলা প্ৰশাসনৰ সহযোগত নাওবৈচা বিধান সভা সমষ্টিভিত্তিত ফুলবাৰী বোকানদীৰ অভিনৱ থিয়েটাৰৰ দ্বাৰা আজিৰে পৰা ১০ দিনীয়া নাটক আৰু সত্ৰীয়া নৃত্যৰ কৰ্মশালা অনুষ্ঠিত কৰা হয়। এই কৰ্মশালাৰ শুভ উদ্বোধনী অনুষ্ঠানটো আজি পুৱা অভিনৱ থিয়েটাৰ প্ৰকল্পত অনুষ্ঠিত কৰা হয়। এই কৰ্মশালাৰ উদ্বোধনী অনুষ্ঠানত কৰুণাবাৰী উন্নয়ন খণ্ডৰ খণ্ড উন্নয়ন বিষয়া কাবেৰী বুঢ়াগোহাঁয়ে বন্তি প্ৰজ্বলন কৰে। অনুষ্ঠানৰ আঁত ধৰে দয়াল কৃষ্ণ নাথে। সভাত সভাপতিত্ব কৰে শংকৰদেৱ শিশু নিকেতন, ফুলবাৰীৰ প্ৰধান…

শতাব্দ ষ্টাফ ৰিপ’ৰ্টাৰ,তেজপুৰ,১৫জুলাইঃ তেজপুৰ চহৰৰ পৰা প্ৰায় ১৮ কিলোমিটাৰ দূৰত্বৰ বৰপাট গাঁৱত অগ্ৰজ আৰু নৱপ্ৰজন্মৰ সন্মিলিত প্ৰচেষ্টাত উজ্জীৱিত হ’ল মহাপুৰুষ শ্ৰীমন্ত শংকৰদেৱৰ অময়া সৃষ্টি৷যোৱা নিশা বৰপাটগাঁৱত দেখা গ’ল ভক্তিৰসৰে ভৰা এক অনন্য পৰিৱেশ৷উল্লেখযোগ্য যে,বৰপাটগাঁও উন্নয়ন সমিতিৰ উদ্যোগত তথা ৰাইজৰ সহযোগত আৰু তেজপুৰৰ এগৰাকী বিশিষ্ট সাংস্কৃতিক কৰ্মী,বায়ন প্ৰশান্ত কুমাৰ বৰাৰ প্ৰশিক্ষণৰ অন্তত বৰপাটগাঁৱৰ ৰাইজে লাভ কৰিলে তিনিজনকৈ নৱপ্ৰজন্মৰ বায়ন, এজন গায়ন আৰু জোৰাৰ দল৷ উল্লেখযোগ্য যে,প্ৰায় দুবছৰ পূৰ্বেই বায়ন প্ৰশান্ত কুমাৰ…

শতাব্দ ষ্টাফ ৰিপ’ৰ্টাৰ, লখিমপুৰ, ১৫ জুলাইঃ লখিমপুৰ আৰক্ষীৰ এটা ভাইৰেল ভিডিঅ’ই ছ’ছিয়েল মিডিয়াত তোলপাৰ লগাইছে৷ কেবামাহ পূৰ্বৰ পুৰণি এটা ভিডিঅ’ই অসম আৰক্ষীক লজ্জানত কৰিছে৷ মাজনিশা এগৰাকী যুৱতীক ডিঙিত ধৰি টানি লৈ লোৱা এই আৰক্ষী বিষয়াজন হৈছে এছ আই গৌৰৱ ভূমিজ৷ সম্প্ৰতি ছ’ছিয়েল মিডিয়াত ব্যাপক ৰূপত ভাইৰেল হোৱা আৰক্ষী বিষয়াজন সেই সময়ত লখিমপুৰৰ খেলমাটি আৰক্ষী চকীত উপ-পৰিদৰ্শক হিচাপে কৰ্মৰত হৈ আছিল৷ সেই সময়ত ভূমিজে লখিমপুৰ সদৰ থানাৰ চৌহদৰ পিছফালৰ এটা আৱসত আছিল আৰু তেওঁ যুৱতীগৰাকীক সদৰ থানাৰ পিছফালৰ আৱাসিক কলনিলৈ বলপূৰ্বক ভাৱে ডিঙিত ধৰি…