শতাব্দ ষ্টাফ ৰিপ’ৰ্টাৰ, ৩০ জুলাই : বেছিভাগ মানুহেই ৰাতিপুৱা সাৰ পোৱাৰ লগে লগে মোবাইল পৰীক্ষা কৰে। আজিকালি এয়া সকলোৰে অভ্যাস হৈ পৰিছে। কিন্তু আপুনি জানেনে যে আপোনাৰ এই অভ্যাস এটা সমস্যাত পৰিণত হ’ব পাৰে? ই আপোনাৰ স্বাস্থ্যত বিভিন্ন ধৰণে বিৰূপ প্ৰভাৱ পেলায়। যদি আপোনাৰো একে অভ্যাস আছে, তেন্তে ই আপোনাৰ স্বাস্থ্যৰ ওপৰত কেনে প্ৰভাৱ পেলায় চাওক।
* মন অস্থিৰ হয়
ৰাতিপুৱা সাৰ পাই যেতিয়া মানুহে প্ৰথমবাৰৰ বাবে মোবাইলটো চেক কৰে, তেতিয়া তেওঁলোকে দেখে যে তেওঁলোকে কি মিছ কৰিলে বা গোটেই দিনটো কি কৰিব পাৰিলেহেঁতেন। এনে অৱস্থাত এই কথাটোৱেই মানুহৰ মনত অস্থিৰতাৰ সৃষ্টি কৰে।
* মানসিক চাপ বৃদ্ধি কৰে
ৰাতিপুৱা সাৰ পাই যিকোনো ছ’চিয়েল মিডিয়া নেটৱৰ্ক ব্যৱহাৰ কৰিলে আপোনাৰ মনত নেতিবাচক প্ৰভাৱ পৰে। বহু বাতৰি অনুসৰি অত্যধিক মোবাইল ফোন ব্যৱহাৰ কৰিলে পুৰুষ-মহিলা উভয়ৰে মনত হতাশাৰ সৃষ্টি হয়।
* সময় আৰু মনোযোগ অপচয় কৰা
যেতিয়া আপুনি সাৰ পোৱাৰ পিছত ছ’চিয়েল মিডিয়া, ইমেইল বা বাৰ্তা প্ৰেৰণ পৰীক্ষা কৰে, তেতিয়া আপুনি আনৰ মতামত, অনুৰোধ, আৰু বিজ্ঞাপনক আপোনাৰ মনত প্ৰভাৱ পেলাবলৈ দিয়ে তেতিয়া আপোনাৰ চিন্তাধাৰাত ব্যাঘাত জন্মায়। আপোনাৰ মনোযোগৰ উপৰি আপোনাৰ সময়ো অপচয় হয়।
* এনেদৰে দিনটো আৰম্ভ কৰক
আপোনাৰ ছুটীৰ দিনটো সঠিকভাৱে আৰম্ভ কৰিবলৈ নিজৰ লক্ষ্যত মনোনিৱেশ কৰক। যদি আপুনি খৰখেদাকৈ দিনটো আৰম্ভ কৰিব বিচাৰে, মানসিক চাপ আৰু উদ্বেগ পৰিহাৰ কৰিব বিচাৰে, সাৰ পোৱাৰ পিছত লগে লগে আপোনাৰ স্মাৰ্টফোন পৰীক্ষা কৰা বন্ধ কৰক। সাৰ পোৱাৰ লগে লগে পৰিয়ালৰ সদস্যৰ সৈতে পানী খাই, ধ্যান কৰি বা হাঁহি হাঁহি ৰাতিপুৱাটো আৰম্ভ কৰক। কেইদিনমান এনে কাম কৰিলে আপোনাৰ অভ্যাসত পৰিণত হ’ব।