তিনিচুকীয়াত আবকাৰী অভিযানত উচ্ছেদ ১২ টা অবৈধ চুলাই ভাটি

শতাব্দ প্ৰতিনিধি‍, তিনিচুকীয়া, ২৫ আগষ্টঃ তিনিচুকীয়া চহৰৰ উপকণ্ঠৰ গুইজান অঞ্চলত আজি আবকাৰী বিভাগে চলোৱা এক অভিযানত গুইজানৰ নতুন গাঁৱত ১২ টা অবৈধ চুলাই ভাটি ধ্বংস কৰাৰ লগতে কেইবা হেজাৰ লিটাৰ চুলাই মদ আৰু গেলাপাছ নষ্ট কৰে। জানিব পৰা মতে তিনিচুকীয়াৰ আবকাৰী বিভাগৰ দলে গুইজান আৰক্ষী, চি আৰ পি এফ আৰু তিনিচুকীয়া আৰক্ষীৰ বীৰাংগনাৰ এটা দলৰ সহযোগত নতুন গাঁৱত চলোৱা উক্ত অভিযানত ১২টা চুলাই ভাটি ধ্বংস কৰাৰ লগতে প্ৰায় ১০,৬০০ লিটাৰ চুলাই মদ প্ৰস্তুত কৰা গেলাপাছ আৰু প্ৰায় ৫৫ লিটাৰ চুলাই মদ নষ্ট কৰে। তদুপৰি অভিযানকাৰী দলটোৱে চুলাই প্ৰস্তুতকৰণত ব্যৱহৃত ভালেসংখ্যক সা-সঁজুলি নষ্ট কৰে।