শতাব্দ ষ্টাফ ৰিপ’ৰ্টাৰ, ২৩ আগষ্ট : নেচনেল এৰ’নটিক্স এণ্ড স্পেচ এডমিনিষ্ট্ৰেচন (NASA)ই জেমছ ৱেব স্পেচ টেলিস্কোপে তোলা বৃহস্পতি গ্ৰহৰ এখন নতুন ফটো প্ৰকাশ কৰিছে। মহাকাশত থকা বস্তু ধৰা পেলাবলৈ ইনফ্ৰাৰেড বিকিৰণ ব্যৱহাৰ কৰা টেলিস্কোপটোৰৰ নিয়েৰ ইনফ্ৰাৰেড কেমেৰাৰ দ্বাৰা ধৰা পৰা এই ফটোসমূহে গ্ৰহটোৰ গঠন অত্যন্ত বিশদভাৱে দেখুৱাইছে আৰু হয়তো গ্ৰহটোত কি হৈ আছে তাৰ এক সুৰুঙা প্ৰদান কৰিব পাৰে। এই বিষয়ে গ্ৰহ জ্যোতিৰ্বিজ্ঞানী ইমকে ডি পেটাৰ, বাৰ্কলেৰ কেলিফৰ্ণিয়া বিশ্ববিদ্যালয়ৰ এমেৰিটা অধ্যাপকে কয়— “আমি সঁচাকৈয়ে আশা কৰা নাছিলোঁ যে ই ইমান ভাল হ’ব, সঁচা কথা ক’বলৈ গ’লে এয়া সঁচাকৈয়ে উল্লেখযোগ্য যে আমি বৃহস্পতিৰ আঙঠি, ক্ষুদ্ৰ ক্ষুদ্ৰ উপগ্ৰহ, আনকি তাৰকাৰাজ্যৰ সৈতে একেলগে এগন ফটোত সবিশেষ চাব পাৰোঁ।” এখন ফটোত আমাৰ সৌৰজগতৰ আটাইতকৈ ডাঙৰ গ্ৰহটো মহাকাশৰ ক’লা পটভূমিৰ বিপৰীতে দেখুওৱা হৈছে। আমি বিভিন্ন ৰঙৰ ঘূৰ্ণীও দেখিবলৈ পাওঁ যিয়ে বৃহস্পতিৰ ওপৰত থকা অশান্ত বায়ুমণ্ডলৰ ইংগিত দিয়ে। আপুনি বৃহস্পতিৰ উত্তৰ আৰু দক্ষিণ অৰোৰাও দেখিব পাৰে যিবোৰ গ্ৰহটোৰ ওপৰ আৰু তলত উজ্জ্বল কমলা ৰঙৰ জিলিকনি হিচাপে দেখা যায়। বিখ্যাত গ্ৰেট ৰেড স্পটটোও দেখা যায় যদিও ই সূৰ্যৰ পোহৰ প্ৰতিফলিত কৰাৰ দৰেই বগা দেখা যায় আৰু ই উচ্চ উচ্চতাত আছে। দ্বিতীয়খন ফটোত বৃহস্পতিৰ বহল দৃশ্য দেখা যায়। আঙঠিবোৰো দেখা যায়, যিবোৰ মহাকাশ সংস্থাটোৱে কয় যে গ্ৰহটোতকৈ লাখ গুণ ক্ষীণ। আঙঠিবোৰৰ একেবাৰে বাওঁফালে অৱস্থিত বৃহস্পতিৰ চন্দ্ৰ এড্ৰাষ্টিয়া আৰু আমালথিয়াও ফটোখনত দেখা যায়।