পথ দুৰ্ঘটনাঃ নিহত কিশোৰ

শতাব্দ ষ্টাফ ৰিপ’ৰ্টাৰ, তেজপুৰ, ৫ছেপ্টেম্বৰঃ তেজপুৰৰ নিকটৱৰ্তী তথা বৰঘাট আৰক্ষী চকী অন্তৰ্গত মানশিৰি চেন্টাৰত আজি দুপৰীয়া সংঘটিত এক দূৰ্ঘটনাত এজন কিশোৰ নিহত হোৱাৰ লগতে আন দুজন গুৰুতৰ ভাবে আহাত হৈছে৷ ঘটনাৰ বিৱৰণী অনুসৰি আজি এএছ১২এবি ৫১১৩নম্বৰ স্কুটীখনত তেজপুৰ দিশে আহি আছিল তিনিও কিশোৰ৷ কিন্তু ৰৌমাৰীত নিয়ন্ত্ৰণ হেৰুৱাই পথৰ দাঁতিৰ কালভাৰ্টত খুন্দামাৰি খাৱৈত সোমাই পৰে৷স্হানীয় লোকে তিনিও কিশোৰক উদ্ধাৰ কৰাৰ লগতে আৰক্ষীক খবৰ দিয়ে৷ পাছত তিনিওকে চিকিৎসালয়লৈ নিয়া হয় যদিও আঞ্জাৰুল হক(১৫)নামৰ কিশোৰজন নিহত হোৱাৰ বিপৰীতে আছাদুল হক(১৪)আৰু মেহফুজ আহমদ(১৭)গুৰুতৰ ভাবে আহত হয়৷তিনিওৰে ঘৰ মানশিৰিত বুলি আৰক্ষী সূত্ৰে জানিব পৰা গৈছে৷