লখিমপুৰ বাণিজ্য মহাবিদ্যালয়ত ৰূপকোঁৱৰৰ ১২০ সংখ্যক জন্ম বাৰ্ষিকী পালন

উত্তৰ লখিমপুৰ, ১৭ জুনঃ অসমীয়া সংস্কৃতি আৰু সাহিত্যলৈ তেওঁৰ অপৰিসীম অৱদানৰ কথা স্মৰণ কৰি আজি ৰাজ্যৰ বাকী অংশৰ লগতে লখিমপুৰ বাণিজ্য মহাবিদ্যালয়তো ৰূপকোঁৱৰ জ্যোতি প্ৰসাদ আগৰৱালাৰ ১২০ সংখ্যক জন্ম বাৰ্ষিকী পালন কৰা হয়। মহাবিদ্যালয়খনৰ অধ্যক্ষ ড০ লোহিত হাজৰিকাই মহান শিল্পীগৰাকীৰ প্ৰতিচ্ছবিৰ আগত বন্তি প্ৰজ্বলনেৰে আৰম্ভ হোৱা অনুষ্ঠানত মহাবিদ্যালয়খনৰ শিক্ষক-শিক্ষয়িত্ৰী, কাৰ্যালয়ৰ কৰ্মচাৰী আৰু ছাত্ৰ-ছাত্ৰীসকলে পুষ্পাঞ্জলি অৰ্পণ কৰে। অসমীয়া বিভাগৰ মুৰব্বী অধ্যাপক তিলক চন্দ্ৰ ডেকাই ৰূপকোঁৱৰৰ জীৱন আৰু ৰচনা আৰু তেওঁ অসমীয়া লোকসংগীতৰ অভিযোজনেৰে ভাৰতৰ স্বাধীনতা সংগ্ৰামৰ বাবে কিছুমান মহান প্ৰেৰণাদায়ক গীত ৰচনা কৰাৰ বিষয়ে বক্তব্য আগবঢ়ায়। ১৯৩৫ চনত জয়মতীৰ যোগেদি প্ৰথমবাৰৰ বাবে অসমীয়া চিনেমা নিৰ্মাণৰ ক্ষেত্ৰত জ্যোতিপ্ৰসাদ আগৰৱালাই লোৱা ঐতিহাসিক ভূমিকাৰ বিষয়েও তেওঁ কয়।অন্য বক্তাসকলেও ছাত্ৰ-ছাত্ৰীসকলক ৰূপকোঁৱৰৰ জাতীয়তাবাদ আৰু মানৱতাবাদৰ মনোভাৱ তেওঁলোকৰ জীৱন আৰু কৰ্মৰাজিত আত্মনিয়োগ কৰিবলৈ কয়। সমগ্ৰ অনুষ্ঠানটোৰ আঁত ধৰে অসমীয়া বিভাগৰ সহকাৰী অধ্যাপিকা ড° বিভা দত্তই।