তেজপুৰ চেলেঞ্জ কাপঃ দৰ্শনীয় প্ৰদৰ্শনৰে অসম ৰাইফলছ ছেমিত

শতাব্দ ষ্টাফ ৰিপ’ৰ্টাৰ,তেজপুৰ,১৭ছেপ্টেম্বৰঃ তেজপুৰ জিলা ক্ৰীড়া সন্হাৰ উদ্যোগত স্হানীয় পলফিল্ডত অনুষ্ঠিত হোৱা ৰাজেন বৰঠাকুৰ সোঁৱৰণি তেজপুৰ চেলেঞ্জ কাপ ফুটবল প্ৰতিযোগিতাৰ ছেমি ফাইনেলত প্ৰৱেশ কৰিছে অসম ৰাইফলছে৷ আজি অনুষ্ঠিত কোৱাৰ্টাৰ ফাইনেল খেলখনত অসম ৰাইফলছে শিলচৰৰ লেণ্ড ৰ’লাৰ্ছ এফ চিৰ বিৰুদ্ধে দমনীয় খেল প্ৰদৰ্শন কৰি ৪-০গ’লৰ ব্যৱধানত পৰাস্ত কৰি প্ৰতিযোগিতাখনৰ তৃতীয়টো দল হিচাপে ছেমি ফাইনেলত প্ৰৱেশ কৰে৷উল্লেখযোগ্য যে,মেচৰ প্ৰথমাৰ্দ্ধত দুটা আৰু দ্বিতীয়াৰ্দ্ধত আন দুটা গ’লৰে সহজ বিজয় সাব্যস্ত কৰা অসম ৰাইফলছৰ ডেভিদ টামাঙে হেট্ৰিক অৰ্জন কৰে৷আনহাতে ১৮ আৰু ১৯ ছেপ্টেম্বৰত প্ৰতিযোগিতাখনৰ কোনো মেচ নাই৷