১৩ ছেপ্টেম্বৰৰ পৰা তেজপুৰ চেলেঞ্জ ফুটবল প্ৰতিযোগিতা

শতাব্দ প্ৰতিনিধি‍,তেজপুৰ,৮ চে‍প্টেম্বৰঃ তেজপুৰ জিলা ক্ৰীড়া সন্হাৰ উদ্যোগত স্হানীয় পলফিল্ডত অহা ১৩ ছেপ্টেম্বৰৰ পৰা আৰম্ভ হ’ব বহু প্ৰত্যাশিত ৰাজেন বৰঠাকুৰ সোঁৱৰণি তেজপুৰ চেলেঞ্জ কাপ ফুটবল প্ৰতিযোগিতা৷ আজি এই বিষয়ে প্ৰকাশ কৰিছে জিলা ক্ৰীড়া সন্হাটোৰ ফুটবল সম্পাদক অশ্বিনী বৰাই৷উল্লেখযোগ্য যে,২৪ছেপ্টেম্বৰত  প্ৰতিযোগিতাখনৰ ফাইনেল অনুষ্ঠিত হ’ব৷প্ৰতিযোগিতাখনত তেজপুৰ এফ চি,দূৰ্গাপুৰ এফ চি কলকতা,লেণ্ড ৰভাৰ ফুটবল একাদশ শিলচৰ, যোৰহাট টাউন ক্লাব,নিউ মডেল টাউন ক্লাব,পি এফ আৰ একাডেমী ছিলং,অইল ইণ্ডিয়া, চিৰাং দুবাৰ এফ চি,মৰ্নিং ষ্টাৰ ডিফু ফুটবল দলকে ধৰি মুঠ ১০টা দলে অংশগ্ৰহণ কৰিব।আৰম্ভণি অনুষ্ঠানত অসম ফুটবল সন্থা ৰ সভাপতি নৱ কুমাৰ দলে উপস্থিত থাকিব বুলি প্ৰকাশ কৰি বৰাই লগতে কয় যে,প্ৰতিযোগিতাখন যথেষ্ট আকৰ্ষণীয় হোৱাৰ লগতে দৰ্শকৰ যথেষ্ট সঁহাৰি লাভ কৰিবলৈ সক্ষম হ’ব বুলি আশা কৰা হৈছে৷উল্লেখযোগ্য যে তেজপুৰ জিলাক্ৰীড়াৰ উদ্যোগত পূৰ্বে অনুষ্ঠিত হোৱা ডুগৰ শ্বিল্ড ফুটবল প্ৰতিযোগিতাৰ বিকল্প হিচাপে তেজপুৰ চেলেঞ্জ ফুটবল প্ৰতিযোগিতাখন অনুষ্ঠিত কৰা হয়৷প্ৰতিযোগিতাখনৰ বাবে ইতিমধ্যে প্ৰয়োজনীয় প্ৰস্তুতি অব্যাহত ৰাখিছে জিলা ক্ৰীড়া সন্হাই৷